ازيكم يا فتوكات كل عام وانتن الى الله اقرب وعلى طاعته ادوم خلصنا رمضان والعيد وداخلين عى المدارس ربنا يعينا ان شاء الله ندخل بقى فى الموضوع انا بقى جوزى كان هرينى عزومات فى رمضان وخلص رمضان وقلقت خلصت عزوماته اتاريه مرتب عزومة ونسى يقولى عليها
قام جالى بالليل يقولى يعنى مقلتيش محتاجة ايه ؟انا فى ايه يا حبيبى ؟ هوعزومة بكرة وبالراحة (ولا خليت الجيران يسمعو صوتنا ولا حاجة )بجد ولا هزار قالى بجد هو انا مقلتلكيش المهم طبعا خدتها تحدى وبسرعة فكرات ممكن اعمل ايه وخصوصا ان اللى جاى العزومة كلهم اجانب (احنا فى غربة على فكرة)وبس هو انا كنت جاية هنا ليه ههههههههههههههه عملت العزومة دى وطبعا علشان هما رجالة مكنش ينفع اصور وهما قاعدين وكمان لما جم مكنتش لسة خلصت فصورت كل طبق لحاله
المنيو كان فراخ مشوية -اجنحة الدجاج المشوية -ممبار- كوسة وبطاطس محشية والمفجاة فى الحشوة بقى -رز محشى فراخ بطريقتى -حوواوشى-مقبلات بافبسترى-تورلى باللحمة تشيكن كرسبى بطريقتى بردو
الحلو كان كب كنافة وحلوى الكاسات
نبدا بالصور وبعدين هشرح لكم الوصفات وسامحونى انى مصورتش الخطوات لانى يدوب الوقت كفانى بالعافية والولاد مقصروش فى الزن الرخامة طبعا بس الحمد لله ان الناس اتبسطو والاكل اتنسف وكلهم شكروا فيه جدا
دى سلطة تبولة نسيت ازكرها فى المنيو وفيه كمان سلطة خضرا ومتبل
ده الرز المحشى فراخ وهشرحه لكم واللى جاية بقى شكله بعد ما استوى
واللى جاية دى صنية مكرونة البيتزا اختار يا كوتش بجد هتعجبكو جربوها
ده التورلى والممبار
واللى عليها السهم دى كبده بانيه
البطاطس المحشية من التلاجة مباشرة اليكم هههههههههه
الكوسة المحشية والصورة الجاية بقى بعد ما استوت
دى التشيكن وينجز واللى جاى بقى الكنافة حلوى الكاسات الرائع
ودى محشية مهلبية بس جنان بجد
حقول لكم طريقة كل حاجة بس انا مش بستخدم مقادير معينة بحكم العادة يعنى بالنظر شطارة بقى ههههههههه سامعة اللى عمالة تقول ايه الغرور ده والله بس انا فعلا لا اتقيد بمقادير المهم
التبولة
بقدونس ونعناع مع حبة طماطم واحدة من غير بزور مفرومين ناعم وعليهم 1 معلقة برغل منقوع مع شوية ملح وزينتها بالجزر المبشور وحطيتها على ورق الحس كنوع من التزيين
السلطة الخضرا
مش محتاجة شرح طبعا
اما المتبل
بازنجانة مشوية ومقشرة ومهروسة عليها معلقة طينة ومعلقة زبادى وملح وكمون وزيت زيتون ونضرب كله مع بعضه حتى يصبح املس زى ما انتو شايفين كده فى الطبق
اجنحة الدجاج
تبلتها ملح وفلفل وبهارات فراخ ومعلقة صلصة بعد طبعا ما غسلتها كويس ودخلتها على الفرن تستوى وبعدين نفتح عليا الفويل علشان الوش ياخد لون وقعدت فى الفرن حوالى تلت ساعة بس
نيجى بقى للرز المحشى فراخ
ان قلت كل مرة احشى الفراخ رز لا لازم اغير المرة دى جبت دبابيس فراخ وخليتها زى الشيش طاووق وتبلتها ملح وفلفل وكمون وبعدين جبت بصلة مفرومة شوحتها مع شوية رزوحطيت شوية قرفة وملح وكمون وقلبت لحد الرز لونه يغمق شوية وتحطى الشوربة يدوب يشرب الشوربة بس مش يستوى وبعدين كان عندى قوالب فويل حطيت شوية رز وفوقها قطع الفراخ اللى تبلناها وبعدين رز تانى وغلفى القالب كويس بالفويل زى الصورة ما وضحت واغلى شوية مية ونزلى فيها القوالب واتركيه على النار لمدة تلت ساعى وافتى القالب بقى واقلبيه واتفرجى على احلى شكل وااطعم طعم
الكوسة والبطاطس
انا حشيتهم ايه بقى كبد وقوانص مقطعين صغير وشوحتهم مع بصلتين مفرومين بجد اطعم من اللحمة بكتير وانا بقور البطاطس واحمرها شوية فى الزيت وبعد ين احشيها وعملت الصوص بصل مع طماطم مضروبين فى الخلاط وتصبيه عليهم ودخليه الفرن يتسبك وحطى بقى ملحك وبهاراتك ونصيحة مفيش احلى من الفلف الاسود والكمون فى الاكل
الممبار
ان بعمل الحشوة على البارد مش بسبكها (بصل -فلفل حار كسبرة بقدونس شبت طماطم مبشورة ملح وفلفل وشطة وفصين توم واخلطيهم كويس واحشى الممبار
مكرونة البيتزا
اسلقى نص كيلو اسباجتى واعم لى بشميل عادى كلكم عارفينه طبعا وصبيه على المكرونة وادهنى صنية شوية زيت وافردى المكرونة فيها وجهزى بقى حشوة البيتزا كل اللى انتى عايزاه ممكن تحطيه ممكن تحطى تونة او سى فود او لحمة مفرومة ودة اللى انا عملته حطى الصلصة على وش المكرونة وعليها موتزاريلا وشرايح فلفل وزيتون مخلى ولحمة مفرومة متعصجة
مش عارفة كده شرحت كل حاجة والا فى حاجة تانية
عموما اللى محتاجة اى حاجة اشرحها لها تقولى واا احط وصفتها
كده انا خلصت لو شايفين الموضوع يستاهل التقييم قيمو ا يمكن حد يستفيد
ولاتنسونى بدعوة منكم بظهر الغيب لى ولاولادى بالهداية وراحة البال
مواضيع هذا القسم برعاية
rody123 rody123 446103_2.gif فتكات رائعة Fatakat 446103 السالمية – الكويت