السلام عليكم ورحمة الله وبركاته
يا ترى أخبار الحمل معاكوا إيه؟
ربنا يقومنا جميعا بالسلامة ويقر عيونا بأولادنا ويتولدوا سالمين معافين وينبتهم نباتا حسنا
أنا خطر في بالي نتكلم عن الشنطة اللى بنجهزها معانا للمستشفى وهقولكوا المفيد من خلال حملين قبل كده ودا التالت
اولا متعلقاتك انتى
*اتنين غيار داخلى واتنين غيار خارجى وياريت تزودى الأندرات شوية
*ياريت تخدى معاكى اسدال صلاة عشان لو بتولدى قيصرى زي حالاتى وجم يمشوكى بعد العملية متبقيش بالجلابية أدام الناس
*فوطة
*مشط
*توكة شعر قطن او اى توكة طرية
*واوعي تنسي الألويز طبعا
*صابون أو شور
*ياريت لو هتولدى قيصرى تكوى شعرك قبل العملية عشان البنج بينشفه وبيهيش ومش بتبقي قدرة تهتمى ولا تسرحى كويس
لو بتقرفي خدى معاكى ملاية من البيت وكيس مخدة وغطا خفيف
ثانيا متعلقات البيبى
* البامبرز طبعا أول حاجة
* اتنين فلنة
*اتنين سلوبت
*زودى شوية الفلنات القطن عشان ميبردش منك
* اتنين كوفرتة ولو الجو برد متنسيش البطانية
* جونسون بيبى أويل
* شامبو جونسون
* تمر عشان حد يحلأم البيبى اول ما ييجى بالسلامة
طبعا غير الحاجات اللى الدكتور هيكتب عليها للبيبى من قطرة وكريم حفاض وغيره
دا اللى فكراه لو نسيت حاجة ياريت تقولوها
ومتنسيش تستغفرى كتير ةتصلي على رسول الله لحد وانتى بتخدى البنج ويارب نقوم سالمين غانمين جميعا ونسترد صحتنا ونشوف بقى ولادنا وأزواجنا بعد تقصيرنا معاهم طول فطرة الحمل
tota_mody tota_mody 87699_6.gif فتكات رائعة Fatakat 87699 القاهره – شقتى حبيبتى فى مصر