بسم الله والحمد لله وبعد…………
اولا-مفارش اوضه النوم والبيت عموما
1-يلزمك يكون عندك مفرشين سرير واحد للصيف وواحد للشتاء وهو فى الغالب للشتاء بس دلع عرايس وخلاص ههههههه وان جيتى للحق هو بيتفرش اول يوم للمنظر وبعدين اخرته كيس زباله وفى الدولاب هههههههه
الصيف
جيبى الوان فاتحة زى كده
وفى الشتاء
انا بحب اللون الأحمر بيدى دفء واحساس حلو
2- نجيب ملايات سرير يعنى على الاقل يكون عندك 5 ملايات ومش اكتر من 7 لحسن يبقى افترا ههههههههههه واوعى تجيبيهم صغيرين خليهم كبير لأن ممكن تتفاجأى انها كشت مع الغسيل فخليهم كبار وجيبى الوان مختلفه مش تجيبى كله قريب من بعضه
3- 2 عدد بطانية
4- 2 عدد كوفرتات للصيف
كدا خلصنا السرير دلوقت بقى نفتكر الفوط
نجيب 5 على الأقل وبرده مش اكتر من 7 على اساس ايام الاسبوع وطبعا نجيبهم قطن
ونفتكر نجيب حتى فوطتين للوش اللى بيبقوا صغيرين بس للوش افهمونى صح
5- فوط بقى ومش عارفه اقولكم لأيه ههههههههه هى عموما بتكون صغيرة للحمام علشان تنشفي بيها لأنك لازم تعرفي ان المنطقه دى لازم تكون نشفة مش مبلولة علشان مايحصلش بكتريا وريحه وحشة وكمان ليها استعمال عرايس وافهموما بقى ودى تجيبى منها مش اقل من 6 ومش اكتر من 12 لانك حاولى تغيري الفوطة دى يوميا علشان النضافه ههههه
6- نجيب فوط كبيرة او بيقولوا عليها بشاكير جيبى 2 على اساس واحد ليكى وواحد ليه وخلى واحد فاتح وواحد غامق
7- وده دلع انا نفسي مش اشتريته هههههه بس فيه عرايس ممكن يحبو يجيبوه وهو روب الحمام
8- فوط المطبخ
يالهووووووى كل دى فوط ههههههههههه هاتشتريها هههههه
وكمان بقى حركات المطبخ دى بالمرة
وزودى من فوط المطبخ على اساس تبقى تلمعى بيها خشب البيت
وماتنسيش فوطتين كدا لمسح الارض ( الخيشه) ههههههههه وعلى فكرة الراجل اللي بيبيع اكياس الزبالة عنده فوط للأرض حلوة اوى ورخيصه اوى ب 5 جنيه باين او اقل
9- مفارش شفرة جينا بقى للمياصه ههههههههههه
ولما تجبيه جيبى مشمع سفره كبير علشان لما تحطى الأكل تشيلي المفرش وتسيبى المشمع او بلاش حطى جرايد ههههههههههه
وطبعا لزوم المياصه فوط السفرة هههههههه
وكدا انتهينا من المفارش وهايبقى فاضلك بقى مفارش التربيزات وكدا وطبعا هاتكون على حسب اللى عندك وطبعا مش تنسي الدولاب تحطى فيه مفارش بتديله منظر شيك من جوه [IMG]https://www.***************/vb/images/smilies/21_8.gif[/IMG]
10-الستاير
طبعا هنا مش هافيدك بالعدد لأنى معرفش شقتك هههههههههه بس المهم فيها القماشة وخدى بالك فيه انواع بتكش وتلاقيها وصل لحد فوق الشباك ههههههههه واختارى دايما الوان رقيقه وغيرى من الشكل التقليدى خليكى على الموضه يعنى هههههه
hurt hurt 196273_2.gif فتكات متميزة Fatakat 196273 hurting heart – egypt