السلام عليكم ورحمه الله وبركاته
الحر طبعا بدا والكل عايز آكلات خفيفه علشان الحر ده
وكانت واحده صاحبتي قالتلي علي الجلاش بالبشاميل
وأنا كانت عندي لفه جلاش قلت يبقي تماااام
واتكلت علي الله وعملتها
المكونات
نص لفه جلاش
شاورما فراخ وأنا عملتها بالفلفل البارد والزيتون الأسود
وطبعا ممكن تحشيها زي ما تحبي
وبشاميل خفيف
هنحط طبقه بشاميل في قاع الصينية ونفرد كام ورقه جلاش وفوقيها معلقتين بشاميل وعليهم الحشوه
ونحط النص التاني بتاع الجلاش وفوقيهم باقي البشاميل بس تكسري علي بشاميل الوش بيضه
وأي نوع جبنه عندك أو من غير عاااادي
وتولعي الفرن من تحت علي 200 هتاخد تقريبا من 10 ل 15 دقيقه
ولما تحمر من تحت ولعي الشوائب علشان تحمر والجبنه تسيح
خفيفه موووووووت ومورقه وطريقه من فوق ومقرمشه من تحت
وعملت جنبها سمبوسه بالجبنه والزيتون والبقدونس وبطاطس محمره
اتمني تحربوها لانها هايله وخفيفة قووي
في أمان الله ومتنسوش الدعاااااااااء اهم حاجه ثم التقييم مواضيع هذا القسم برعاية
ام يوسف العجمى ام يوسف العجمى 419885_2.gif سوبر فتكات Fatakat 419885 فى بيتى وسط زوجى واولادى – السعوديه