حبايب قلبى المقلبظات أنا نويت أعمل ريجيم بجد مش يومين وازهق زى كل مرة
وبإذن الله حاسة أن ربنا هايوفقنى المرة دى
ونفسى اللى ينضم ليا هما اللى فى الغربة زى أسم الجروب ومش قصدى غربة السفر بس
لكن الغربة اللى نتجت عن أجسامنا الكبيرة وأنطوائنا على أنفسنا
يعنى الغريبة فى بيت أهلها عشان دايما بينتقدوا شكلها وجسمها ودايما يقولوا مش هاتتجوزى
والغريبة فى بيت جوزها ومش قادرة تولع النور وهى مع جوزها عشان مكسوفة من شكل جسمها
والغريبة بين أصحابها عشان بيجروا ويضحكوا ويشتروا ملابس تناسبهم وكل ما يخرجوا
تتحجج بأنها مشغولة عشان ماتتسوقش معاهم عشان طبعا مش هاتعرف تشترى موديلات زيهم
والغريبة مع أولادها ومش قادرة تلاعبهم من كاتمة النفس واللحم المتراكم عندها
وطبعا قبل الكل غرباء البلد اللى زيى مسافرين وبعيد عن أهلهم
بصوا بقى يا بنات اللى هاينضم معايا يكون قد الريجيم وتحكماته
بمعنى
1_لازم كل يوم تدخلى تقوليلى يومياتك إية وإذا مادخلتيش هاأعتبرك منسحبة من الجروب
2_الريجيم شىء مقدس لازم نلتزم بية واللخبطة ممنوووووووووووووووووع
3_الرياضة بنفس أهمية الريجيم وهاأنزل لكم لينكات التمارين اللى هانطبقها يومياومفيش أعذار
4_مواعيد لقاءنا فى الجروب ودى مواعيد مقدسة
من 1 ألى 3 العصر
من 9 إلى 12 ليلا
5_ الريجيمات لازم تكون صحية عشان نخس بصحة بدون أمراض ومانرجعش تانى
6_ كل واحدة ليها الحقفى أختيار ريجيمها عشان المرونة بس أهم شىء النتيجة
7_الوزن أسبوعى يوم الجمعه الصبح وبقية اليوم فرى واللى مش عايزة اليوم كلة تاخد واجبة واحدة
وبعد ماتقروا قوانين جروبنا القادم هاأنزل لكم ريجيمى
ولينكات الرياضة
يلا ورونى الهمة
أة نسيت أقولكم أنا عايزة10 _15 بنت عشان تكون المتابعة أحسن
يعنى لو كملنا العدد دةأنا أسفة أننا هانستكفابيهم
أم الجواهر أم الجواهر 195233_22.gif فتكات غالية قوي Fatakat 195233 مدينة أحلام اليقظة – الأمل