بسم الله
نبدء اول جزء من مسابقتنا
(ممنوع الكتابة هنا هنا للتقارير فقط )
للاشتراك والكلام
https://fatakat.univanet.com/#3763223-8
حابيبى المشتركات احنا هناكل كل اللى نفسنا فية و مافيش حرمان ان شاء الله
وهنتبع نظام اللقيمات
بس اهم حاجة نحفظ السبع خطوات دول صم واكيد نطبقهم
1- شرب لترين ماء بين الوجبات وممنوع شرب الماء اثناء الاكل او بعدو عشان ميحصلش عسر هضم وكرش
ونشرب بعد الاكل بنص ساعة او اكتر شوية
2- الفطار بدرى كل ما فطرتى بدرى كل ما معدل الحرق يشتغل اكتر وتخسى اسرع
ولازم نفطر كويس جدا لانك لو مفطرتيش هتجوعى بليل ويوميك يبوظ
3-الالتزام بكميات الاكل لان دا اللى هيخسسك
4-متسبيش نفسك من غير اكل بعد 3 ساعات من الوجبة اللى اكلتيها يعنى لازم تاكلى كل 3 ساعات حاجة عشان متجوعيش فا تاكلى كل اللى فى البيت وبعدين تيجى تكلينى انا هههههههههه
5-نبعد عن المقليات والوجبات السريعة خلال الريجيم
6-هنعمل اية لو بوظتى فى وجبة تكملى باقى يوميك ريجيم عادى ومتقوليش النهاردة باظ اكملو بقا عك وابدء من بكرة لاء
7- الرياضة ثم الرياضة هتخليكى تخسى الاسرع وهتخليكى نشيطة
وفى حاجة مهمة كمان يافتوكات مش عيزين نحط فى دمغنا اننا عملين ريجيم
لان لو حطينا فى دمغنا كدا يبقا هنعك كتير لان العقل فاهم ان ريجيم يعنى حرمان فا تقومى تنقضى على الاكل وبعدين تندمى
نحط فى دمغنا انا باكل كل حاجة ولكن فى الوقت المناسب بالكمية المناسبه
نيجى بقا
للقيمات
ليكى 5 لقيمات والوجبة المفرحة
الوجبة المفرحة = وجبة الغدا
عبارة عن
هتقسمى طبقك اربع تربع
ربع نشويات ربع خضار ربع بروتين ربع سلطة وقطعة حلوى اد علبة الكبريت وممكن نستغنى عنها عشان نخس اسرع
ومش مسموح بنقصان حاجة منهم
القيمات عبارة عن
كوب زبادى
كوب لبن
ثمرتين فاكهه
كبشة فيشار
كبشة مكسرات
قطعة كيك صغيرة
بسكوتين
نص كوب عصير
بولة ايسكريم
فنجان رز بلبن
فنجان كريم كراميل
قطعة بسبوسة حجم غلبة الكبريت
او خضروات طبق مشكل خيار جزر فلفل
ممنوع جمع بين لقيمتين او لو عيزا تجمعى يبقا نص لقيمة مع نص لقيمة
وممنوع جمع نشويات مع بعض العيش وارز والمكرونة او بطاطس حاجة واحدة بس
ممنوع ناكل من اكل الوجبة المفرحة تانى وناخدو كالقيمة
متزوديش عن رغيف فى اليوم ويكون مقسم على الوجبات مش نكلو مرة وحدة يعنى نص فطار نص عشا
والعشا يكون قبل النوم ب3 ساعات
وجبة الفطار
ربع رغيف او نص رغيف
بيضة او 3 م فول او قطعة جبنة ومشروب ساخن شاى او شاى بلبن
او نسكافية بس بنص كوب لبن فقط
مسموح ب3 ملاعق سكر طول اليوم
وان شاء الله هنزلكو وصفات دايت كتير
التقرير هيكون عبارة عن
الفطار ( الساعة ) بدرى قبل الظهر
لقيمة 1 بعد الفطار ب3 ساعات
لقيمة 2 او الغدا بعد لقيمة 1 ب3 ساعات
لقيمة 3
لقيمة 4
لقيمة 5
يوم اليوم السابع وجبة الغدا فقط فرى يعنى اللى تحبية كولية
العبادات
ودى هى الصلاة فى وقتها – السنن – الازكار صباح ومسا ء – قراءة ورد من القراءن
عملتيهم كلهم هتقولى الحمد لله فى حاجة وقت منك قولى عشان نشجعك
الاهتمام بنفسك
هتقولى انتى هعملتى اية النهاردة اهتمام
يعنى عملتى ماسك او سنفرة او ترطيب
يعنى هتقولى عملتى اية جديد فى شكلك
الرياضة
انا هنزلكو كذا فيديو
وتقولى عملتى ولا لاء
الماء شربتى كام لتر
المشروب الحارق
زى(شاى اخضر – جنزبيل بقرفة )
يعنى خمس حاجات هنكتبهم فى التقرير
تمام كدا ولو فى اى حاجة انا تحت امركو
وبالتوفيق يابنات
ممنوع الكتابة هنا
https://fatakat.univanet.com/#3763223-8
الردود هنا
واللاشتراك
امة الله نفسها فى الجنه امة الله نفسها فى الجنه 451591_2.gif سوبر فتكات Fatakat 451591 فى رعاية الله – فى رعاية الله