بسم الله الرحمن الرحيم
السلام عليكم ورحمة الله وبركاته
طبعا انا عملت موضوع قبل كده اسمه اول اسبوع ليا فى الريجيم مين تبدا معايا ومتوقعتش ان من خلاله اتعرف على احلى صحبة فى الدنيا والله احبهم فى الله
والحمد لله واصلنا مع بعض وتابعنا واستفدنا من خبرات بعض
وكتير انضموا لينا بس متابعوش اهلا بيكوا معانا فى اى وقت
اقولكوا بقى على احلى صحبة ربنا يدومها يارب
ام كيرو واخواته
ام بيبو
سندريلا
رونا جوجو
التواقة للجنة
دلوعة سينا
سالى
واللى انضموا لينا جديد دكتورة سوما ونانو اهلا بيكواااااا
طبعا اهم شىء المتابعة ونقول يومياتنا كل يوم حتى لو لخبطنا بنقول برده
الاتفاقات
الساعة 11 ميعاد الرياضة واللى يخلص يدخل يدى التمام
الفجر نواظب على صلاة الفجر وندخل ندى الاوكى
صيام اثنين وخميس ربنا يعينا يارب
نوزن كل يوم اثنين
ام بيبو وسندريلا ورونا ماشاء الله عليهم بيجيبولنا معلومات جميلة ومفيده بجد
ام كيروووو بتقول وصفات هايلة دايت طبعا ده غير روحها الجميلة ودمها الخفيف
الاساسى المتفق عليه
شرب المايه الكتير
شرب قرفة بالجنزبيل مرتين يوميا
التفاااااااح ناكل منه على قد مانقدر بس ميكونش بعد الوجبات على طول
احنا بننزل براحتنا حتى لو كيلو واحد فى الاسبوع يبقى خير وبركة مش مستعجلين خالص عشان منرجعش اللى الوزن المفقود بسهولة
والخس والخيار ناكله عند الشعور بالجوع فى اى وقت
نيجى بقى للنظام بتاعنا
الفطار/ بيضة مسلوقة او قطعة جبنة قريش او زبادى مع ربع رغيف اسمر مع كوب شاى بملعقة واحدة سكر
طبعا تكترى من المياه وتاكلى تفاح لانك بالتاكيد هتبقى لسه جعانة ممكن كوبايه عصير برتقال او كوب اعشاب للتخسيس تجيبيها من عند العطار وياريت تلبسى حزام هيقلل الجوع شويه هههههههههههههه ابقى قابلينى بهزر طبعا
الغدا بقى / صدر فرخة او سمك مشوى او 2 قطعة لحم او 2 بيضة مسلوقة مع 4 ملاعق رز او ربع رغيف
وسلطة وطبق خضار سوتيه واى ثمرة فواكهه تفاح او برتقالة بعد الوجبة بساعتين
العشا بقى وده المهم عشان الوجبة دى كلنا بيبقى عندنا شراهه فيها صح
زبادى او بيضة مسلوقة بربع رغيف اسمر وكوب شاى بلبن
فيه نظام تانى كمان واللى يريجك تمشى عليه
الفطار
زبادى مع 2 شريحة توست انا بحب السن بصراحة وبجيبه وخيار ونصف كوب لبن منزوع الدسم
او
جبنة قريش مع نصف رغيف بلدى وطماطم وخيار ونصف كوب لبن منزوع الدسم
او
شريحة لانشون و2شريحة توست وطماطم وخيار ونصف كوب حليب منزوع الدسم
الغدا
طبق من السلطة بدون زيت مع تقليل الجزر ونصف رغيف بلدى و14 كيلو دجاج مشوى ملعقة غرف الخضار المشكل مع تقليل البسبةوالجزر
او
سلطة ونصف رغيف بلدى و14 كيلو سمك مشوى او مسلوق
او
سلطةنصف رغيف بلدى وشريحة لحم مشوى بحجم نصف كف اليدوملوخية بدون زيت
العشا
شكشوكة مع نصف رغيف بلدى
او
نصف علبة تونة مصفاه من الزيت بالخل واليمون مع نصف رغيف بلدى
او
قطعة جبن ابيض منزوع الدسم مع 2 شريحة توست وشاى او قهوة بدون سكر
او
فاكهه وزبادى خالى الدسم
ودا الرجيم علشان عيونك يا ام النونو
ماهو لازم تلوحى جوزك طبعا يعنى عندنا بيبى وعندك موزة
بوصى يا موزة المستقبل
اهو رجيمك
اختارى منو اللى بيعجبك شوزفتى سيباكى برحتك ازاى
عسل ياناس بيسمعوالكلام وهيقولولى انهم صارو موزز هااااااااا مش تيجى تشتكى من الراجل بعدين
انو مش سايبك لا ليل ولا نها الله يكون بالعون
مثال1:
2كوب زبادى+ثلاث ارباع رغيف+ربع فرخة+بيضة مسلوقة+خضار+واحدة فاكهه
هقسمهم طول اليوم كالاتى
الفطار: ربع رغيف + بيضة مسلوقة + واحدة زبادى
سناك: طبق سلطة او عصير ليمون بسكر دايت او طبق خضار اى نوع
الغدا : نص رغيف + ربع فرخة + خضار + سلطة
سناك : طبق سلطة او خيار او خس او جزرة او شوربة خضار
العشا : زبادى + فاكهه
مثال2:
كوب و نص لبن+3 معالق ارز +قطعة لحم + جبنة قريش+خضار+موزة
هقسمهم كالاتى
الفطار:جبنة قريش مع سلطة + شاى بنص كوب لبن خالى الدسم
سناك : طبق سلطة او عصير ليمون بسكر دايت او طبق خضار
الغدا: 3 معالق ارز + قطعة لحم + خضار + سلطة
سناك : عصير موز بلبن بسكر دايت ( ممكن جوافة بلبن او فراولة … الفاكهه بتاعتك اعمليها عصير)
العشا: سلطة او طبق شوربة خضار
اى اختيارات تعجبك ووزعيها زى ما تحبى
ملاحظات هااااااااامة جدا
1-فى حالة الرضاعة يضاف معلقة عسل نحل + كوب لبن خالى الدسم + حبة فيتامينات و يفضل فيتامين ميترنا و نلغى الزبادى
يعنى تاخد كوبيتين و نص لبن فى اليوم و مش هنختار الزبادى
و لو اللبن قل بعد يومين فى الرجيم هنضاعف البروتين (اللحمة او الفراخ او السمك)
2-الفراخ لااااازم تكون بدون الجلد قبل التسوية
يعنى ناخد صدر الفرخة و نشيل الجلد و بعد كده نسلقها او نشويها او اى حاجة
و لو سلقناها الشوربة بتاعتها مسموح بيها طول اليوم باى كمية و ممكن تطبخى كل الاكل بيها
و لازم صدور
3-ممنوع كل مشروبات الاعشاب ، ولا بقى وجع البطن بتاع الكمون و الليمون و القرفة بالجنزبيل و التلبيخ اللى بنعمله
الرجيم بيسحب الدهون من الجسم تدريجى عشان اكلك كلع من غير دهون ف مش هتحتاجى تاخدى مشروبات من اللى بتسيح الدهون
4-الليمون و الخل و البصل و الفلفل مسموح بيهم باى كمية
يعنى كل ما تلاقى نفسك هتعكى و فتحتى التلاجة اعصرى ليمونة على كوباية ميه ساقعة و معلقتين تلاتة سكر دايت و اشربى عصير ليمون
اهو منه فيتامين سى ينور وشك
5-اللحمة ممنوع تماما الضانى لازم بتلو و من غير دهن تماما ، يعنى تشيلى الدهن كويس قبل ما تسلقيها
مش تسلقى اللحمة و بعدين تنقى حتة من غير دهن ، بتكون شربت دهن من الشوربة
تتسلق كلها من غير دهن
و الشوربة بتاعتها مش هنشرب منها و لا هنطبخ بيها
اطبخى منها لجوزك و العيال بس
6- طبعا كل الطبيخ بدون اى سمنة
خدى شوربة الفراخ و حطى فيها طماطم مضروبة فى الخلاط و الخضار اللى يعجبك و ملح و فلفل ، (كوسة – فاصوليا – بامية – قلقاس)
و الملوخية حطيها فى الشوربة تغلى غلوتين و متحطيش طشة بعدها ، جربتها و طلعت حلوة جدا
خدى شوية ليكى على جنب فى حلة صغننة و بعدين اعملى الطشة لباقى الملوخية عشان جوزك و العيال
وصفات سهلة
1-كوسة مقطعة + فاصوليا مقطعة + طماطم مضروبة فى الخلاط + شوربة فراخ + بصل و ملح و فلفل
اسلقى كله على النار هتعملى حلة كبيرة و كل ما تجوعى تاخدى منها طبق
و ممكن تحطى صدر الفرخة بتاعك فيهم
2- مفيش وقت تسلقى فراخ و عاملة صينية بطاطس ولا حتى محشى ، خدى شريحتين صدور فراخ من اللى بنعملها بانيه و اسلقيهم مع بصل و ملح و فلفل و حبهان و تشربى من الشوربة براحتك
و سيبى المحشى اوعى تجى جنبههعضك
3- قطعى صدر الفرخة بتاعك شرايح زى الشاورمة مع طماطماية و فلفل رومى و بصلة و ملح و فلفل و حطيهم فى اكياس حرارية من بتاعة الفرن او فى ورق فويل و معاهم شوية صغننة ميه و سيبيهم حوالى ساعة الا ربع فى الفرن ، او فى صينية على البوتاجاز و غطيها و سويهم سوا
و اللى تعمل اكلة جديدة تيجى تقولنا
الرجيم بينزل اول اسبوع من 3 الى 5 كيلو و بعد كده 2 كيلو كل اسبوع
طبعا سندريلا اكيد انتى جمعتى المعلومات عشان تنزليها حالا
وام بيبو حبيبتى كان ليها حصر ازوان والعمر والطول يالا هورطك تانى هههههههههه
وطبعا اللى يحب ينضم لينا اهلا وسهلا فى اى وقت
https://youtu.be/ndVjwkaLGDk
ودى تمارين رياضية سهلة والكل ممكن يعمله واحنا بالبيت
ام كيروو واخواتو الحلوين ام كيروو واخواتو الحلوين images/avatars/landscape.jpg سوبر فتكات Fatakat 431164 العريش – مصر