السلام عليكم ورحمه الله
بالاراده ان شاء هنخس في اسبوع الجزء التاني
بصوا بقي الجروب ده اسمه( تحدي الوحوش )
هقولكوا ليه وحوش لان محدش هيقدر يوقفما في الخساسان ابد ابد باذن الله
بما ان الناس الي عندها اراده كتير ما شاء الله فالجروب بقي مفتوح (بس بشرط)
الي يدخل مش هيخرج الا خاسس باذن الله عشان اناااااااااااااااااااااااااااااا زنانه جدا
الجروب مدته مبدائيا اسبوع واحد بس
عايزين وحوشنا قصدي بنتنا تمشي علي نظام واحد
ومحديش يقولي غلط ولا صح لان انا واخداه من دكتور وفي ناس كتير بتخس عليه كويس جدا وادامي امثله وللعلم متخنوش
شروط الجروب
1 ميكونش فيه لا قدر الله ضغط ولا سكر ولا انميا لان الدكتور قال ان لازم تكون الصحه بمب والحمد لله
2 يكون الزياده الي في الجسم 20 كيلو مثلا عشان يبقي في عدل
3 الالتزام والاراده القويه كاننا داخلين حرب
4 محدش هيخرج بس تستحملوا عقاب ايمي لو لغبطتوا
هنمشي اول اسبوع كميكل دايت (حرماااااااااااااااااااااااااااااااااااااااااااااا اااااااااااااااااااااااااااااااااااااااااان)
ومشي ساعه او رقص ساعه او نط الحبل 300 مره والي عندوا بطن يبتدي ب10 عدات وكل يوم يزود 10
نشرب المشروب السحري علي الريئ ونشرب 3 كوبايات شاي اخضر وممكن نص حزمه بقدونس منقوعه في مايه مغليه نص ساعه قبل ما تتمشي بتزود الحرق معانا
نشرب 10 كوبايات مايه لااااااااااااااااااااااااااااااااااااااااااااااااا اااااااااااااااااااااااااااازم
نيجي للدايت في (5 انواع) اهو نوعت عن الجزء الاول عشان الناس تتدلع
االدايت لاول وده والله خسيت 8 كيلو عليه في اسبوع
اول 2 ايام زبادي ولبن خالي الدسم
2 يوم فاكهه ياريت التفاح او موز او كمثري او برتقال او يوسفي
2يوم خضار مسلوق بقي ني برحتك بلاش بطاطس وقلقاس وكده
اليوم الاخير الفطار فول من غير سمن ولا زيت ملح خفيف بالمعلقه والغدا سمك مشوي او فراخ مشويه من غير الجلد
التاني وده خسيت عليه في رمضان 5 كيلو في 6 ايام
دايت التمر واللبن رائع
21 تمره النوع الطري
بما ان رمضان خلص هناخد 7 الصبح مع كوبايه لبن رايب او خالي الدسم
والظهر 7 تمرات
وبالليل 7 تمرات مع لبن خالي الدسم
الدايت التالت وده بيخسس (7 كيلو) باذن الله
اليوم الاول الفطار بيضه الغدا 2 بيضه العشا 2 بيضه
اليوم التاني الفطار ثمره فاكهه الغدا 2 ثمره نفس النوع العشا 2 ثمره نفس النوع
اليوم التالت الفطار 2 زبادي خالي الدسم الغدا 2 زبادي العشا 2 زبادي
اليوم الرابع (فرخه علي مدر اليوم) ممكن ققل مش اكتر
اليوم الخامس زي اليوم الاول
اليوم السادس زي اليوم التاني
اليوم السابع زي اليوم التالت
ملحوظه(بين الوجبات من 4 الي 5 ساعات_ممكن اكل الخس او الخيار بين الوجبات عند الجوع)
الرجيم الرابع بيخسس (5 كيلو) في خمس ايام انا مجرباه بنفسي
اليوم الاول فاكهه
اليوم التاني خضار
اليوم التالت فاكهه وخضار
اليوم الرابع فراخ مشويه او مسلوقه او سمك مشوي او لحمه مسلوقه او مشويه
اليوم الخامس عيش سن وجبنه قليله الدسم
ملحوظه(الكميات مفتوحه)
الدايت الاخير رجيم ال12 يوم (بيخسس 12 كيلو في 12 يوم)
اليوم الاول والتاني والتالت زبادي خالي الدسم ولبن خالي الدسم
اليوم الرابع والخامس والسادس فاكهه
اليوم السابع والتامن والتاسع خضار
اليوم العاشر والحادي عشر والثاني عشر فراخ او لحمه او سمك مشوي او مسلوق
الشروط
ا
الاعضاء هيكتبوا الطول والسن والوزن الحالي
وانا هسجله وهنبتدي باذن الله
هنكتب التقرير يوميا والي مش هتكتب
بس
هنثبت الميزان مره كل اسبوع ومحدش يوزن قبل الاسبوع
الي معايه ياريت تكون جاده هو اسبوع وهنشوف لو نجحنا هنكمل لو لا خلاص انا هكمل لوحدي
لان الي خسوا مش احسن مننا ولا ايه
تعليمات
نمشي علي البرنامج بالضبط عشان عايزين نتايج تحفه وربنا معانا
ده لينك الجزء الاول
https://fatakat.univanet.com/#1934916
ايمي توتي ايمي توتي 514756_2.gif فتكات رائعة Fatakat 514756 الهرم – مصر