السلام عليكم
أزيكم يا فتوكات يارب تكونوا بخير و دائما فى صحة و سعادة
انا بصراحة بقيت مدمنة للموقع ده بجميع أقسامه بالرغم انى مش بشارك كتير بس خلاص بقى أساسى عندى اتصفح قسم الرشاقة أكتر من ثلاث مرات فى اليوم
نجى بقى للمهم. أنا وزنى كبير جدا جدا و سببلى مشاكل صحية كتير (أدعوا لى ربنا يشفينى و يمن على بالصحة و العافية) و طبعا عملت مليارات الريجيمات قبل كده و تابعت مع كل دكتور مشهور و النتيجة أخس شوية و أرجع اتخن اللى خسيته و زيادة بس طوال الفترة ديه ماكنتش صحتى اتأثرت للدرجة. دلوقتى بقى أجاركم الله كل ما أروح لدكتور من أى تخصص (عظام.. قلب .. باطنى .. سمنة) مابقتش أسمع غير كلمة واحدة ,, لازم تخسى التخن اللى سبب كل ده و هيضيع مجهودنا فى العلاج و انتى ازاى سايبه نفسك كده انتى مش حاسه انتى وصلتى لأيه
المهم قلت أنا مش كل مرة الحماسة تاخدنى و أعمل كام يوم دايت و أرجع أبوظ أنا لازم ابتدى صح. و قعدت أدرس جميع أنواع الريجيمات و أقرا تجارب بالأسابيع و ابعت استشارات و أقارن الأنظمه ببعضها و أشوف العيوب و الميزات. أعتبرته بحث و قعدت درست كل كبيرة و صغيرة كأنى بحضر ماجستير و يمكن دكتوراه كمان
و الحمد لله بتوفيق ربنا قررت ان انا اتبع ريجيم اللقيمات للدكتور محمد الهاشمى. أنا قعدت أذاكر الريجيم ده من كل مصدر ليه : من الكتاب (أنا اشتريته من عيادة الدكتور) و الأجزاء الموجودة (12 جزء ما شاء الله) هنا فى موقع فتكات تحت أشراف "خادمة الأسلام" و "هوبه",,, جزاهم الله خيرا و جعله فى ميزان حسناتهم. ده بالأضافة لموقع الدكتور محمد على الفيسبوك و اللى بيجاوب فيه عاى أى سؤال
" من اهم مميزات علم اللقيمات بساطتة لذلك اشتهر عالميا….فالانسان ياكل اى شيئ مادام قى حجم نصف الكف او نصف الكوب….وعشرات الالاف انقصوا اوزانهم بتطبيق هذا الاسلوب السهل" د محمد الهاشمى
" حمية اللقيمات…الحساب فيها .بالكرم….لا …بالكالورى .حمية اللقيمات لها خاصية عجيبة …فمن تلتزم بطاعة رسول الله فيها بصورة دائمة…يكرمها الله تعالى …فيحاسبها بالكرم….لا بالكالورى…اى على الرغم من تناولها النشويات والحلويات يتناقص وزنها تدريجيا..حتى انها قد تكسر حاجز الوزن المثالى المقدر لها…لقد حدثت هذة المعجزة مع الالاف…وكنت اطمانهن ان الله لطيف بعبادة وان تناقص الوزن لن يصل الى درجة النحافة" د محمد الهاشمى
" الخلاصة النهائية للرجيم الناجح … كلي اللقيمات
إمتلاءت الإنترنت بأسئلة القراء من الرجال والسيدات والشباب ، كلهم يسأل عن كيفية إنقاص أوزانهم بسرعة ، بل إن بعضهم في حالة إحباط تام لأن وزنه تعدى أكثر من 50 كجم فوق الوزن الطبيعي له.
لم أجد أفضل من أن أضع أمامكم جميعاً هذا البحث الشيق الذي نشرة موقع CNN على الإنترنت بتاريخ 12/11/2016.
كان "توني" البالغ من العمر 34 سنه يستهلك يومياً حوالي 10,000 سعر حرارياً فأصبح وزنه 420 رطل (أي حوالي 190 كجم) وفشلت معه جميع الرجيمات والأدوية المعروفة ، فأتخذ قراراً هاماً وهو أن يستمر في تناول الأطعمة التي يحبها ولكن بأحجام أقل بكثير مما كان يأكل من قبل. وأصبح يستهلك يومياً حوالي 2,500 سعر حراري فقط ، فحقق إنقاصاً للوزن بعد عامين بلغ 220 رطل (أي حوالي 100 كجم).
لقد تناول جميع الأطعمة التي يحبها ولكن بأحجام صغيرة (مما نسميها في اللغة العربية بحجم اللقيمات).
ويقول كاتب هذا المقال في موقع CNN – وهو طبيب وعالم – أن المشكلة الرئيسية التي يواجهها البدناء هي أنهم يرغبون في نزول الوزن بسرعة ، وهذا لا يحدث في الحقيقة إلا بإستخدام الرجيمات الكيمائية التي تشتهر بأضرارها البالغة على متابوليزم الجسم مما يجعل وزن الجسم يرتفع بسرعة فائقة فور التوقف عن هذا الرجيم خلال أسابيع قليله.
ويروي كاتب المقال نفسة قصة أخرى لعالم التغذية البروفيسور "مارك هوب" الذي نجح في إنقاص وزنه 27 رطل (أي حوالي 12 كجم) في 10 أسابيع وذلك بتناوله حجم اللقيمات من النشاويات والحلويات والفاست فودز. وأثبت البروفيسور "مارك" بذلك أن حجم الوجبات الصغير هو أهم في نزول الوزن من نوعيات الطعام.
ويضيف كاتب هذا المقال الشيق أن الناس يثقون ويفضلون أي رجيم يسمح لهم بتناول الفاست فودز والنشاويات والحلويات ولو بأحجام صغيرة.
لذلك ، فإنني أنصح كل من تريد إنقاص وزنها تماماً ولمدى الحياة بألا تركز على نزول الوزن سريعاً وأن تتحلى بالصبر وتطبق رجيم اللقيمات بصفه دائمه ، وعندئذ سوف تحقق – إن شاء الله تعالى – هدفها النهائي بنسبة 100%. " د محمد الهاشمى
و ديه لينكات مهمه لفهم الريجيم
الجزء 12 لتجمع ريجيم اللقيماتhttps://fatakat.univanet.com/#1765091
مرجع ريجيم اللقيمات https://fatakat.univanet.com/#1499276
موقع الدكتور محمد الهاشمى https://satietyspot.com/index.php
صفحة الدكتور محمد الهاشمى على الفيسبوك https://www.facebook.com/pages/%D8%B9…530261?sk=wall
=========================================
أحنا ان شاء الله هنلتزم ألتزام كلى بتعليمات د محمد يعنى أى حاجة هنرجعلها لازم يكون د محمد اللى قالها مش نقلناها من موقع أو حد قالنا عليها.و أى أستفسارجديد و مش واضح هنبعته لدكتور محمد أو نسأل هوبه لأنها على أتصال بيه.
فكرة الموضوع أنا احنا نعمل جروب جديد لريجيم اللقيمات للأوزان اللى فوق ال 150 كجم لأن الأوزان ديه ليها طبيعة خاصة جدا من حيث كمية الأكل و مقدار النزول و كمان امكانية ممارسة الرياضة.
فياريت اللى عايزه و عندها عزيمة تشترك معانا و نتشجع و نساند بعضنا .
الريجيم للأوزان بتاعتنا هيبقى كالأتى
فى أول أسبوعين: 5 لقيمات مع 2 وجبة مفرحة (بين كل وجبة و الأخرى مدة لا تقل عن أربع ساعات)
و بعد كده هيبقى: 5 لقيمات مع 1 وجبة مفرحة فقط
( و الكلام ده جبته من رد الدكتور على الفيسبوك لأستشارة عضو اسمه مصطفى محمد)
كل لقيمة تتكون من 3 اجزاء:
2 كوب سوائل(كوب ماء على الاقل)
وبعد 10 دقائق اللقيمة
وبعد 10 دقائق2 حبة لوز تمضغ مضغا بسيطا
… ولا نتناول اى شيئ بعدها لمدة ساعة حتى تؤثر جيدا على نقطة الهاشمى لشبع المعدة
( و الكلام ده جبته من رد الدكتور على الفيسبوك)
ويارب يكونوا التجمع ده خير ليناو ثواب فى أتباع سنة الرسول صلى الله عليه و سلم و باب حسنات و يبقى السبب فىشفائنا من داء السمنة (اللهم تقبل و أستجب)
شروط الأشتراك:-
1- الجدية التامه فى أتباع الريجيم و سنشهد الله على ذلك ليكون رقيبا علينا
2- كل يوم هنخش نكتب يوميتنا و نشجع بعض
3- هناخد الوزن فى بداية الريجيم و المقاسات (بطن – خصر – ذراع -رجل – …) . و المقاسات أهم من الوزن لأن الريجيم ده بيخسس دهون مش مايه و عضلات
4- هنخلى على الأقل 2 لقيمة من البنفسجيات (برقوق, قراصيا , كريز , عنب أسود , زبيب , توت , كرنب أحمر ) لتنشيط الدهون البنية
علشان يبقى فى فرصه للناس هنبدأ ان شاء الله من يوم الأحد 17-7-2016 و معانا 15 يوم قبل رمضان ان شاء الله و يوم السبت باليل هنحدد المشتركات
يالا يا حلوبن اللى عايزه تشترك تبعت:
الأسم:
الوزن:
السن:
أنا هبتدى ان شاء الله
الأسم: Elragia
الوزن: 153 ( و هتأكد بالظبط بكره)
السن: 31
Elragia Elragia فتكات نشيطة Fatakat 362477 القاهرة – مصر