السلام علي أحلي فتوكات في العالم
أنا عملت عجينة اللازنيا في البيت وحبيت أفيدكم معايا وتجربوها بجد سهله جدا وهتوفروا كتير عن ما بتيبوها جاهزه
نبتدي بسم الله الرحمن الرحيم ونسيب الصور تتكلم
المقادير
5 بيضات
1/2 كيلو دقيق
شوية زيت زيتون
شوية ملح
نيجي للطريق بقي
نضرب البيض مع الملح والزيت كويس
وبعدين نضيف الدقيق ونقلب لحد مايبقي بالشكل ده بعدين نرش دقيق عالطاوله ونفرد العجينه كويس ونقطعها بالشكل ده
هنا انا خلصت الكمية كلها
نحضر ميه للسلق ونكون حطين فيها زيت وملح ونسلق اللازنيا وبعد ماتستوي نحط عليها ميه ساقعه وتبقي كده نحضر البشاميل
ونحضر المفروم اللي مزغلل من الألوان زي منتو شايفن انا حاطه عليه فلفل ألوان وكمان زيتون مخلل وزعتر
نحضر بقي الصينيه نبطنها ببشاميل
نحط اول راق من اللازنيا
وبعدين نكرر مره كمان شوفو شكلها من الجنب
وفي النهايه حطيت طبقت بشاميل وعليها موزريلا
وبعدين دخلتها فرني حبيبي اللي كتبتلكم موضوع عنه قبل كده
وهنا بعد ماطلعت ايه بقي رأيكم
ده طبق اللي هتقيم اتفقنا اكيد من نصيب دودي حبيبتي ولا ايه وليكم كلكم ياحبايبي
أستاهل تقييم ولا لا
متنسوش الدعاء ياحبايبي وشكرا ليكم
مواضيع هذا القسم برعاية
NONNA22 NONNA22 600487_3.gif فتكات رائعة Fatakat 600487 القاهرة – مصر