السلام عليكم يا فتوكاتى
كل سنة وانتوا طيبين بمناسبة شهر رمضان
اعاده الله علينا بالخير واليمن والبركات
اللهم بلغنا رمضان ياااااااااااارب
سيبكوا بقى من السياسة ومرسى ووجع الدماغ ده
عاوزين نفكر في المهم بقى
وهو الاككككككككككككككل في رمضان
انا عملت جدول لنفسى بالنسبة للافطار والسحور والحلو والعصائر فى رمضان
انا بعدت خاااااااااالص عن الطبيخ
الدنيا حر والناس صايمة بقى كفاية
وانا كاتبة افكار كتير علشان كل فتوكة تختار اللى يناسبها
يعنى ممكن تبدلى تغيرى تفضلى صايمة على طول براحتك برده
وعملت اكل متنوع فى ال 30 يوم ان شاء الله
وطبعا ممكن يتكرر
الاكل على مدار الشهر ان شاء الله طبعا غير العزومات
اولا الافطار والعصائر والحلو
1/ محاشى ورق عنب وبنجان وكوسة + فرخة مشوية + سلطة خضراء
العصير كركديه + الحلو كنافة بالمكسرات
2 -سمك مشوى ومقلى + ارز صياديه + سلطة طحينة + سلطة خضراء
العصير تمر هندى + الحلو باقى الكنافة
3- صينية جلاش باللحمة المفرومة + كفتة مشوية + بطاطس محمرة + سلطة
العصير عرقسوس + الحلو قطايف
4 – مكرونة اسباجتى + بطاطس محمرة + فراخ باانيه +سلطة
العصير بلح باللبن + الحلو بسبوسة بالقشطة
5- ارز بالخلطة + كبدة بانيه + سلطة
العصير سوبيا + الحلو قطايف او باقى البسبوسة
6 – بيتزا + فراخ بانيه + سمبوسة + سلطة كول سلو
العصير برتقال + الحلو بقلاوة
7 – مكرونة بالبشاميل + فراخ مشوية + سلطة
العصير جوافة او مانجو + الحلو البقلاوة الباقية او قطايف
8- جمبرى وسبيط مقلى + ارز صياديه + سلطة خضرا وطحينة
العصير بيبسى + الحلو جيلى بالفواكه
9- طاجن خضار مشكل + فرخة محشية + بطاطس محمرة + سلطة
العصير ليمون + الحلو مش لازم ممكن نعمل عصير جوافة جنب الليمون
10 – ارز بسمتى بالخضار والكارى + لحمة مشوية + سلطة وبطاطس محمرة
العصير تمر هندى + الحلو كنافة بالكسترد
11 – سمك بورى مشوى + ارز بالجمبرى + سلطة خضرا + سلطة طحينة
العصير عرقسوس + الحلو بسبوسة بالمكسرات
12 – كبيبة شامى + سمبوسة + فرخة محمرة + سلطات
العصير جوافة باللبن + الحلو بلح الشام
13- كفتة ارز بالصلصة + ارز بالشعيرية + سلطات
العصير مانجو + الحلو لقمة القاضى
14 – صينية بطاطس باللحمة المفرومة + ارز ابيض + كفتة + سلطات
العصير سوبيا + الحلو بسبوسة بالقشطة والمكسرات
15 – شاورما لحم + بطاطس محمرة + سلطات
العصير ليمون + الحلو كنافة بالقشطة
16- شيش طاووق + بطاطس محمرة + كول سلو
العصير عرقسوس + الحلو مفييييييييييش
17 – صينية جلاش بحشوة البيتزا + لحمة محمرة + سمبوسة + سلطة
العصير بلح باللبن والحلو قطايف
18 – حمام محشى + قطايف باللحمة المفرومة + ارز ابيض + سلطة
العصير تمر هندى + الحلو جلاش او بقلاوة
19 – كباب حلة + مكرونة + بطاطس محشية لحمة مفرومة + سلطة
العصير برتقال + الحلو بلح الشام
20 – صينية فراخ بالبشاميل + سمبوسة + سلطة + بانية
العصير سوبيا + الحلو لقمة القاضى
21 – كبسة سعودى + سلطة + فرخة محمرة
العصير عرقسوس + الحلو ارز باللبن
22- سجق اسكندرانى + مكرونة + سلطات
العصير جوافة باللبن + الحلو مهلبية بالشيكولاتة
23 – محاشى ورق عنب وبذنجان وكرنب + بانيه + سلطات
العصير سفن اب علشان الهضم + الحلو كيك بالشيكولاتة
24 – لازانيا بالمفروم + فرخة محمرة + سلطة
العصير فراولة باللبن + الحلو بقلاوة
25 – صينية رقاق باللحمة المفرومة + لحمة محمرة + سلطات + سمبوسة
العصير سوبيا وعرقسوس + الحلو مهلبية
26- سكالوب بانيه + بطاطس محمرة + كول سلو
العصير كركديه + الحلو تشيز كيك
27 – مكرونة نجرسكو أو مسقعة بالبشاميل + لحمة باردة + سلطات + بطاطس
العصير تمر هندى + الحلو مش لازم
28 – صينية كوسة باللحمة المفرومة + ارز بالشعيرية + كباب حلة + سلطات
العصير جوافة باللبن او بلح + الحلو كنافة بالقشطة
29- سمك بلطى مشوى او مقلى + ارز صياديه + سلطات
العصير عرقسوس + الحلو بلح الشام
30 – ارز بسمتى بالكارى + لحمة محمرة + بطاطس محمرة + سلطة
العصير سوبيا + الحلو بقى هايكون كحك العيد والبسكويت ان شاء الله
وكل سنة وانتوا طيبين
السحور بقى
انا هاكتب كل حاجة ممكن تتاكل فى السحور وانتى بقى اختارى انتى وذوقك
فول + طعمية + بطاطس محمرة + بيض مسلوق + شكشوكة + عجة بالبيض + بيض اومليت
جبنة بالطماطم والفلفل + جميع انواع الجبن + بابا غنوج + بطاطس بيوريه + فول بالحمص او بالبسطرمة + بيض بالطماطم والفلفل + بيض بالبسطرمة + بطاطس بالبقدونس والبيض + فول بالخلطة
سلطة زبادى + سلطة خيار + فول بالبيض والخلطة + طعمية بالبيض + عجة بالبيض
طبعا المخللات ممنووووعة ممكن تقطعى خيار وطماطم جنب الاكل
طبعا الزباااااااااااااااااااااااااادى او الرايب اساسى فى السحور
ده لو مالقتهوش على السفرة مش بتسحر اصلا
انا عارفة ان فى اكتر من فتوكة كتبت الجدول ده
بس كل واحدة وذوقها وامكانياتها
يعنى انا كاتبة كل ده وممكن وقت التنفيذ اغير مفيش مشكلة يعنى حسب المتوفر عندى
وكل سنة وانتم طيبين
وماتنسووووووووووووووش التقييم والردود مواضيع هذا القسم برعاية
marmar87 marmar87 134985_4.gif امبراطورة فتكات Fatakat 134985 مدينة نصر – ام الدنيا مصر ربنا يصلح حالها يااااااااا رب