بسم الله الرحمن الرحيم ..
استكمالا للموضوع الي كتبته امبارح عن لبس الجهاز ..
تجربتي في لبس جهاز العروسة .. ادخلي يا فتوكة ممكن تستفيدي
قلت اعمل موضوع تاني أجمع فيه افكار للبسك القديم ممكن تجددي فيه ازاي وتاخديه معاكي في جهازك للبيت..
الفكرة انك ممكن تفتكسي وتعملي افكار جديدة جدا عمرك ما حتلاقيها في المحلات ده غير ان الحاجة الي معمولة بإيدك بجد ليها طعم تاني
وبالشكل ده يبقى عندنا لبس كتيييييييير اوي وتنويع وبأقل التكاليف
وجمعتلكم شوية صور من على النت لبعض الأفكار ححطها كلها في مشاركة لوحدها في الاخر يمكن تفيد
ولو حد عنده افكار تانية يا ريييييييييييييت يكتبها بردو
نبدأ باسم الله ….
** بنطلون جينز أو جبردين قديم **
1- ممكن يتقصر ويتعمل بنتكور أو شورت
2- ممكن تجيبي احجار وتكتبي اسم جوزك أو كلمة بحبك مثلا على رجل من البنطلون
3- ممكن البنطلون تقطعي فيه زي البنطلونات الي بنشوفها في المحلات يعني تعملي مثلا حتة مقطوعة من عند الركبة و واحدة تانية فوق .. او ممكن تشرطيه من الجناب
4 – ممكن تجيبي حتة قماش صغيرة مقلمة مثلا او مشجرة أو سادة على لون بادي عندك وتعملي بيها قلابة للرجل من تحت وعلى الجيوب شريط رفيع أو تعملي شكل قلب مثلا وتلزفيه على البنطلون
5- ممكن تجيبي شريط ساتان وتحطيه مكان الحزام مثلا وتربطي فيونكة كبيرة كده على بدي ستوماك بقى والتاتو بتاع السرة حيبقى جاااااااااااااامد
6 – خلي البنطلون طويل وخرمي رجله من الجنب من عند الخياطة خرم ييمين وقصاده واحد شمال (يمين وشمال الخياطة ) وبعدها دخلي شريط ساتان لون ملعلع كدع و اعمليه كروسات من الجناب حيبقى شكله حلو اوي
7 – بردو ممكن تخلي البنطون طويل زي ما هوا بس تفتحي رحليه لحد فوق الركبة حيبقة شكله جديد ومفتكس وممكن بردو تعملي على الفتحة دي سوستة
8 – ممكن تقصري البنطلون تعمليه شورت وتلبسي تحته ليجنز لحد الركبة لون البادي .. في ناس بتعمل كده من باب التغيير
9 – ممكن تعملي البنطلون بنتكور وتجيبي اي قماشة قصيرة عندك لون مشجر مثلا وتخيطيه فوق البنطون كإنه جيبة قصيرة شابكة في البنطلون شكله بردو جديد
10 – تعالي على البنطلون من ورا .. وقصي مثلت مقلوب وبعدها اعملي خرام على جناب المثلث من الناحيتين (قصاد بعض ) ودخلي شريط ساتان واعملي فيه كروسات من ورا .. بردو شكله جديد موووووز 
** جيبة جينز قديمة **
1-جيبة تتعمل ميني او ميكرو (الجيبة الواحدة بتتعمل جيبتين واحدة ضيقة وواحدة ايفازيه )
2- ممكن تشرشبي الديل من تحت في الجيبة حيكون شكلها جميل
3- ممكن تجيبي أحجار وتكتبي بيها اول حرف من اسمك او اسم جوزك و تتعمل تطريز بالخيط او الخرز
4- ممكن تعملي الجيبة قصات من تحت 7 و 8 بالعربي زجزاج يعني
5- ممكن تخلي الجيبة طويلة زي ما هيا وتعملي فيها فتحتين كبار من الجنبين او فتحة واحدة لحد فوق الركبة من قدام مع خلخال حيكون شكلها جامد
6- ممكن تقصي الجيبة بالورب او بالجنب تبقى طويلة من حتة وقصيرة من حتة تانية
7 – فكرة الكروسات سواء من الجنب او من ورا زي الي قلتها في البنطلون ممكن تنفع مع الجيبة
8- ممكن تقصري الجيبة الجينز اوي وتاخدي بس الجزة الي فوق وتجيبي قماش من عندك كذا لون تعمليه كرانيش من تحت طبقة لون وتحتها طبقة لون تاني
9- ممكن تجيبي دانتيل عادي وتحطيه على الديل بعد ما تقصري الجوب
10 – في سلاسل كده بتتباع عند بتوع الكلف والخياطة .. ممكن بعد ما تقصري الجيبة تخطيبي السلاسة دي رايح جاي من قدام كان عندك عقد ادوار .. ويا سلام بقى لو علقتي فيها ملاليم مثلا ولا حاجة بتشخلل كده ههههههههههههه حتبقى جااااااامدة
11- لو جيبة جينز واسترتش ممكن تتعمل دريل كب على فكرة وتيجي من عند الوسط تلبسي حزام عريض حيبقى شكلها تحححححفة
أنا عصرت مخي يا فتاتيك ولسة حعصره كمان اكتر في الباديهات والفسساتين وحنزل صور في الاخر بأمر الله
عايزة منكم بقى دعوات حلوة وتقييم كده لو موضوعي عجبكم يمكن ربنا يسهل والموضوع يتثببببببت وناس كتير تستفيد
قيمووووووووني بقى علشان اعصر مخي بالذمة
تابعووووووووووووووووووووني لسة حكمل في المشاركات الجاية ..
أحبكم في الله
قطقووطة قطقووطة فتكات هايلة Fatakat 613636 القاهرة – مصر