جيالكوا النهارده يا فتوكات بمائدة كاملة .. زي بتاعت المطاعم كدة
من صنع ايديا وحياة عنيا
اول طبق هو :
صدور فراخ مغلفة بالبطاطس المقرمشة
المقادير :
قطعتين صدور فراخ
بطاطس محمرة
زبدة
ثوم – ملح – فلفل
التحضير :
– حضري الفرن وسخنيه على درجة 450
– بسيح الزبدة واضيفلها الثوم يا دوب اول ماشم ريحته اطفي ( ماتسيبيش لون الثوم يغير ) واضيفله ملح وفلفل
– بقلي بطاطس شيبسي وبعدين بنشفه من الزيت كويس واسيبه يبرد واطحنه في الكبة
الطريقة :
-غطسي الفراخ الاول في الزبدة مع الثوم بعد كدة غطيها بالشيبسي ودخليها الفرن مدة من 15 لـ 20 دقيقة
وده شكلها لما طلعت بجد الريحة …. واااااااااااااااااااااااااو
ثاني طبق :
بطاطس بيوريه
المقادير :
بطاطس للسلق
لبن بودره
ملح و فلفل
نص مرقة ماجي مدوبة في مية سخنة
الطريقة :
– اسلقي البطاطس في مرقة (نص واحدة كفاية) وماترميش المية واتأكدي انها استوت بانك تعدي فيها سكينة فتلاقيها دخلت بسهولة
– اهرسيها بالشوكة كدة وحطيلها ملح وفلفل
– حطي الزبدة عالنار الأول وبعدين البطاطس المهروسة
– ضيفي لبن بودرة حوالى معلقتين كدة وحطيلها المرقة (اللى اتسلقت فيها البطاطس) وقلبي كويس لحد ما يعملك القوام اللى انتى عايزاه
ضيفي ملح وفلفل لو محتاج
الطبق الثالث :
خضار عالبخار
مافيش مقادير لكن انتى شوفي اي نوع خضار انتى بتحبيه
انا حطيت بطاطس وكوسة وجزر وذرة حب وفلفل ورشيت عليهم ملح وفلفل
– حطي مية في الحلة ( انا حطيت معاها النص التاني من المرقة ) واستنى لما تغلى بعدين حطي الصفاية وغطيها بغطا حلة
وبس كدة
لو عجبتكوا قيموا الموضوع …. وبالهنا والشفا
وعليا طبق لكل واحدة بتقيم
مواضيع هذا القسم برعاية
السـاحرة الصغيرة السـاحرة الصغيرة 475965_9.gif سوبر فتكات Fatakat 475965 القاهرة – مصر