انا امبارح كنت قاعده بقلب فى التى فى بعد ما رجعت من الشغل
لقيت على قناة فتافيت الشيف ليلى الجميله العسوله دى
لقيتها بتعمل اكله جامده جداااااااااااااااااا وشكلها تحفه اسمها ( لبن امه ) وهى اكله شاميه
بس شكلها كان حلو اوووى وطبعا الجواب بيبان من عنوانه المقاجير بتاعتها بتدل انها اكييييد تجننن تهوس
المقادير كانت :
1-كيلو لحمه ويفضل تكون اللحمه ( موزه )
2- حوالى 10 بصلات اللى هما صغيرين جدااااااا اللى احنا بناكلهم مع السمك دول
3- علبتين او تلاته من الزبادى العاديه
4- 3 معالق نشا كبار
5- رشة ملح
الطريقه:
1- بنشوح اللحمه والبصل فى شوية زيت ولما لونهم يتغير واللحمه تبقى فاتحه كده نحط عليهم 3 كوبايات ميه ونسيبهم يغلوا
2- فى الوقت ده هنجيب اللبانه او حله صغيره ونحطها على النار ونحط فيها الزبادى والنشا ورشة الملح ونفضل نقلب نقلب بسرعه جدا لحد ما يدونا القوام الكريمى ده
3- نضيف خليط الزبادى على اللحمه ونسيبهم على النار شويه لحد ما اللحمه تكمل سوى ونطفى عليهم
4- نحطهم فى قالب التقديم ونزينهم بالبقدونس من النص او اى حاجه بنحبها وطبعا ممكن الاستغناء عن التزيين والوصفه دى يستحسن تتقدم مع رز بشعريه وبالهنا والشفااااا
وعد منى اعملها واول ما اعملها هصورهالكوا واجيبهالكوا خطوه خطوه مواضيع هذا القسم برعاية
Nehal Ali Nehal Ali 817163_5.gif ممنوعة من المشاركة Fatakat 817163 المنصوره عروس النيل – مصر ام الدنيا بلد الحضاره والمعجزات بلد الاصاله والحكايات