[b][color="#8B0000"][size="6"]
مساء الفل على الفتوكات ستات الكل
النهاردة جايبالكم عجينة حلوة و طرية و عملتها 3تورتات حادقين حلوين اوووووى ينفعوا للحفلات بدل البيتزا و يبقى تجديد لان كل حفلة نروحها لااااااااازم يبقى فيها بيتزا لما الواحد زهق خالص
كمان ينفع عشا عائلى ظريف او لو سلايفك و حماتك جم عندك و عايزة تبينى الشطارة بدل ما تحضرى عشاء عادى تعمليلهم الفطاير دى
نخش بقى على صورة الاغراء بتاعة كل مرة
ده شكل ال3 تورتات و طريقة تقديمهم تورتة مروحة الجبنة و البقدونس / تورتة قراطيس الجبنة و الفلفل / تورتة السوسيس و الجبنة
المقادير
[ انا عملت مقدارين و عمل ال 3 فطاير دول ] و كفونا عيلتى و عيلة اختى فى العشاء و الباقى اخده ابنى معاه الصبح المدرسة
3 كوب دقيق
1/4 كوب زيت
1 كوب زبادى
1 كوب ماء دافئ [ ممكن تاخد اكتر و ممكن اقل ]
2 معلقة كبيرة سكر / 1 معلقة صغيرة ملح /
2 معلقة كبيرة خميرة / 1 معلقة صغيرة بيكنج بودر
الحشو : اختيارى ممكن تحشيه اللى عندك فى البيت او اللى اولادك تفضله بس انا حاقولكم على الحشو بتاعى
الشكل الاول : جبنة براميلى ضربتها فى الفود بروسيسور مع فلفل الوان و اخضر [ تورتة قراطيس الجبنة و الفلفل ]
الشكل التانى : سوسيس + باربكيو صوص + جبنة رومى مبشورة [ تورتة السوسيس و الجبنة ]
الشكل التالت : جبنة فيتا + بقدونس مفروم [ تورتة مروحة الجبنة و البقدونس ]
دى صورة المقادير بنحط المقادير الجافة مع بعض و نضيف الزبادى و الزيت و نقلب و نضيف الميه بالتدريج لحد ما تبقى عجينة مش بتلزق فى الايد و نسيبها لحد ما تخمر و نقسم العجينة 3 اجزاء
نبتدى بقى نشكل اول شكل تورتة مروحة الجبنة و البقدونس :
ناخد اول جزء و نفرده و نقطعه 3 دواير بطبق مدور
و نجيب صينية فرن او صاج فرن و نرشه دقيق [ انا دايما المعجنات مش اخبزها فى صاج مدهون زيت لا دايما ارش الصاج دقيق ] بس اللى متعود على دهن الزيت يعمل كده علشان مش تلزق منه و يقول ان انا السبب ههههههههههه
و نحط اول دايرة و نفرد الجبنة اللى بالبقدونس و نغطى بتانى دايرة و نفرد برضه عليها الجبنة [ انا الجبنة اللى بالبقدونس خلصت و كملت بجبنة سادة ] و نغطى بتالت دايرة
نحدد دايرة فى الوسط و نبتدى نقطع العجينة لمثلثات
و نلف كل مثلث للاخر و نبطط حرفه و نكرر كده فى كل المثلثات و نلزق الحروف فى بعضها
و ندهن الوش بيض مضروب مع شوية لبن و ملح و فلفل و نرش عليه شوية سمسم و حبة البركة لو حبيتى
و تدخل فرن 180 لمدة حوالى 1/4 ساعة او لحد ما تحمر من تحت و لو محتاجة تحمرى وشها بالشواية
و ده بيبقى شكلها بعد الفرن و اللذى منه
شوفوا لون الجبنة الاخضر و البقدونس باين ازاى
نيجى بقى للشكل اللى بعده تورتة السوسيس و الجبنة :
بناخد الجزء التانى من العجينة و نفرده رفيع و نقطعه دواير او مربعات او انا عملته على شكل قلب
و نحط فى كل قطعة قطعة سوسيس و معلقة صغيرة باربكيو صوص و شوية جبنة رومى مبشورة و نقفل كويس
و نرصه فى صينية مرشوشة دقيق و نعمل شكل فى الوسط علشان مش يفك و ندهن وشه برضه بالبيض و نرش عليه اى حاجة عندك انا رشيت زعتر و سماق و سمسم و حبة البركة و ندخله الفرن 180 لحد ما يحمر و نحمر وشه بالشواية
بصوا بقى من قريب
تالت شكل تورتة قراطيس الجبنة و الفلفل :
بنجيب الجزء التالت من العجينة و نفرده مستطيل طويل و نقطعه شرايح رفيعة و نلفه على قراطيس الاستينلس ستيل [ الكورنيه ] و نلزق حرفه كويس.
و نرصه فى صينية مرشوشة دقيق و يكون الحرف لتحت علشان مش يفك فى الفرن و نعمل وردة من العجين و نحطها فى الوسط و نرش القراطيس سماق و زعتر و سمسم و حبة البركة بعد دهن الوش بالبيض و تدخل فرن 180 لحد ما يحمر من تحت و نحمر وشه بالشواية
و نسيبه لما يبرد و نشيل الكورنيهات براحة [ حاتطلع بسهولة ] و نخلط الفلفل الالوان مع الجبنة و نحطها فى كيس حلوانى و نملا القراطيس بالجبنة
و ده شكله لما خرج بالف سلامة من الفرن
شوفتوا حلاوتهم ماشاء الله و طعمهم كمان حلو اووووى
شكلهم يشرف على السفرة و فى الحفلات
يلا بقى تصبحوا على خيييييير يا حبيباتى و ان شاء الله نتقابل الصبح
باااااااااااى باااااااااااااااااااااااى يا عسوووووووولات مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر