السلام عليكم ورحمه الله وبركاته
صباحكم كله ورد وريحان ونسمات معطره من عند الرحمن
انا كنت كتبت موضوع قبل كده بعنوان فوائد و إستخدامات قشر الليمون المدهشة وده اللينك بتاعه
https://fatakat.univanet.com/#5507927
لكن لقيت ان في مشاركات من حبيايب قلبي عاوزين يعرفوا طريقه اكل قشر الليمون
وقلت بدل ما تبقى مشاركه على اد الموضوع ليه معملهاش موضوع تاني والفايده تعم بعد ما عرفنا فايدة قشر الليمون الرهييييييييييييبه
في الاول كلنا بنعمل عصير ليمون وفي كتير اوووي منا بيقشروا اللمون قبل ضربه في الخلاط لكن من الاحسن اننا نغسل اللمون كويس ونصربه
بقشره بعد ما بنضرب السكر علشان يدوب الاول
تاني طريقه كلنا بنخلل اللمون والموسم بتاعه بدا خلاص احنا عارفين اننا بنسلق اللمون الاول نص سلقه وبعدين بنعصر شويه لمون حلوووين كده
وبنزوده على ميه المخلل المملحه وانا بقى مبرميش القشر انا بحطه على وش البرطمان وبرش عليه شويه زيت وعلى فكره طعمه احلى من
تالت طريقه انا لما باجي اعمل شاي بلمون بغلى شويه ميه في كنكه صغيره وبحد فيها قشر اللمون بعد ما عصرته وباخد الميه المغليه اللى
نزلت فيها كل فوايد قشر الليمون وبكمل بيها كبايه الشاي بعد طبعا ما عملت نص الكبايه شاي كشري وبزود الكباية باللميه المغليه
رابع حاجة كلنا بنعمل الكيكه انا بقه ساعات كتير بعملها بقشر اللمون زي بغسل اللمونه كويس او على حسب رغبتك وبحطها في الدقيق وبكمل
عجينه الكيكه ودي بتدي للكيكه طعم جميل اوووى وبتشيل اى ريحه لزفاره البيض وبتبقى في احوال كتير لو معندكيش فانيليا بتبقى بديل عنها
خامس حاجة يا حبايب قلبي انا ساعات كتير بقشر اللمون لما بكون مش محتاجة غير العصير بتاع اللمون وبجفف القشر وبعد ما بينشف بيبقى
الفرك زي ما بنعمل النعناع بالظبط وبعينه في برطمان ازاز صغير مع التوابل وده بستعمله في السلطات ومع الفراخ المشويه والشاورمه وخاصه
شاورمه الفراخ وبستعمله في البدنجان المخلل او المحدق مع خلطه التوم والملح وعصير اللمون وكمان ساعات كتير برشه على سلطه الزبادي
والبابا غنوج والسلطات ويا سلام على الفتوش
وسادس حاجة ودي كانت مشاركه من حبيبه قلبي عين القلب فرحانه وعلى مسقعة الباذنجان اللى بالخل والثوم قطعى عليها الليمونة الطازة
بقشرها قطع شرائح رقيقة على السلطة وبالهنا والشفا .. طعمها بيبقى تحفة وكذلك على صلطة البابا غنوج قطعى الليمون الطازج بقشره
واخلطيه عليه وطعمه بيبقى روعة .على صينية الدجاج فى الفرن او صينية الخضار المشكل فى الفرن او اى طاجن فى الفرن قطعى الليمون
الطازج عليها وتستوى مع الاكل وطعم قطع الليمون بيبقى تحفة وبيخلى طعم صينية اللحم او الدجاج او الخضار فى الفرن طعمها تحفة
وسابعا يا حبايب قلبي والاخيره معظمنا بياكل فسيخ ورنجه وسردين لو قطعتى اللمون شرايح وبدل ما تعصريه على الفسيخ اكلتيه زي ما بتكلي
البصل الاخضر او الناشف هتلاقي الطعم معاكي مختلف خالص وكمان مبيجلدش لحمه الفسيخه او الرنجايه
واتمنى ان تكمله الموضوع تكون افادتكم يا حبايب قلبي
ادعولى بصلاح الحال وان ربنا يبارك لي في جوزي واولادي
زوجي وأولادي كل حياتي زوجي وأولادي كل حياتي 62349_3.gif فتكات متميزة Fatakat 62349 ابوظبي – الإمارات العربية المتحدة