السلام عليكم
انا عارفه طبعا ان معظمكم ماشاء الله ستات بيوت وشطار اوووى بس الواحد برضو بيعيش يتعلم بصوا بقى انا اصلا شرقاويه يعنى المحشى وجبه اسبوعيه اساسيه كنت بعمل الخلطه عادى البصل يتشوح شويه يدبل واضيف الطماطم المضروبه فى الخلاط وعليهم الفلف والملح وشكرا كان بيبقى حلو بس ايه بياخد طماطم كتير اووووى ولونوا فاتح برضوا وبعدين بقى انا بقالى 7سنين بتفرج على فتافيت بصراحه اتعلمت من برامجهم الاجنبيه خصوصا تكات كتير حلوه ومفيده بموتفى طبخ(نايجلا لوسون _وجيمى اوليفر) انا زيهم اصلا كده احب الحاجات المميزه واللى ماتاخدش وقت المهم بقى ياحبايبى نرجه لتكتين الخلطه اللى هتعملك احلى محشى بنص كمية الطماطم واحلى لون وطعم
1-بعد لما تشوحى البصله لميها على جنب فى الحله وهاتى معلقة صلصه كبيره وشوحيها فى الزيت السخن بعيد عن البصل هتلاقى الصلصه احمرت اووى وريحتها طلعت ماتتستنيش عليها لحسن بتتحرق بسرعه الخطوه دى فايدتها ايه بقى اولا الصلصه بتحسى كده انها ليها طعم معدنى للو دوقتيها وهيا نيه كده بقى بتتخلصى من الطعم ده وبتبقى تحفه
2_ الطماطم بقى ابعدى عن الخلاط خالص اصلا الطماطم بتبقى حمرا وزى الفل تحطيها فى الخلاط تلاقى لونها بقى فاتح اووى لانها بتدخل فيها كية هوا كبيره لا احنا مش هنعمل كده بصى ياست الكل هتجيبى حله وتحطى فيها كمية مايه مناسبه تغلى المايه تكونى انتى مسكتى كل طماطمايه ومن تحت عملتيلها علامة زائد + دى عشن(تسهل عليكى تنزعى القشره فى ثوانى) تحطى الطماطم فى المايه اللى بتغلى دقيقه او اتنين بالكتيره وتطلعيها على مصفى ثوانى تبرد وقشريها والله مابتاخد وقت على طول و وتاخديها بقى على الفود بروسيسور(اللى هو كبه بس كبيره) ميزتوا بقى الطماطم بتتقطع صغنن اووووووووى وكمان بيبقى فيها سائل زى المضروبه فى الخلاط بس الفرق بها لونها تححححححححححححفه تكونى عاملاها بقى قبل ماتحطى معلقة الصلصه على النار عشان بسرعه تضيفيها بعد لما معلقة الصلصه تتحمر
بس كده وبألف هنا وشفى جربوا وادعولى مواضيع هذا القسم برعاية
arreej arreej images/avatars/sunset.jpg فتكات رائعة Fatakat 627000 القاهره – مصر