السلام عليكم ورحمة الله وبركاته
صباح الخير يافتوكات
عايزة اخد رأيكم فى موضوع مهم لانى بصراحة مش عارفة اعمل ايه فيه
هو تعب الدورة
التعب ده بيجيلى فظيع وبيكون هيموتنى
فى الاول مكنتش باخد حاجة لان امى كانت بتقول ان ده غلط انى اخد مسكن بس بعدين علشان مش بقدر اتحمله بقيت باخد مسكنات زى كيتو فان مثلا
انا سمعت اكتر من مرة ان الموضوع ده غلط بس مكنتش بقدر اتحمل الوجع
فى الاول كنت لما باخد حباية يدوب ربع او تلت ساعة والوجع ينتهى دلوقتى بقى بقيت اخد حباية واتنين لغاية مالوجع يخف
حاجة تانية ان الوجع كان بيكون فى اول يوم بس لكن دلوقتى تقريبا علشان اتعودت على الحبوب بقى الوجع ممكن يجى تانى فى تانى يوم
قررت انى مش هاخدها تانى لانى عارفة انها غلط بس وان زى ماناس كتيرة قالت وجع ساعة ولا كل ساعة علشان ده فيه ضرر عليا بعدين
انا مخطوبة يعنى مش متجوزة بيقولوا ان الوجع ده بيقل بعد الجواز بس الله اعلم
اللى عايزاه بقى انى باذن الله قررت انى خلاص مش هاخد مسكنات تانية بعد كده
بس عارفة انى وقتها مش هقدر اتحمل الوجع وممكن اخد تانى لانه بيكون فعلا وجع فظيييييييييع مش هعرف اوصفه وبيفضل كمان طول اليوم
بس انا ناويت خلاص ان شاء الله بس عايزة حاجة تساعدنى حتى لو فى اول مرة علشان وبعد كدة ابقى خلاص
يارب حد يفيدنى لانى بجد خايفة من الموضوع ده وعايزة كمان حد يطمنى
رب انى لك عدت رب انى لك عدت 588780_5.gif فتكات متميزة Fatakat 588780 المنصورة – مصر حبيبتى