السلام عليكم ورحمة الله وبركاته
انا حامل فى الثامن
فاضلى 4 ايام وابقى نص الثامن
من اول السابع وانا تعبانه جدا
من حموضه وارق وشرقة وحاجات كتير
الدكتور كتابلى رانى فوار مرتحتش عليه
كتبلى زانتاك مرتحتش برضه
اخر ما زهق كتبلى علاج ب 37 جنيه العلبه فيها 14 قرص
اسمه جازيك بتاع الحموضه
طبعا اشتغلت الشرقه بعد كده لدرجه انى كنت بتغدا الساعه 8 عشان متعشاش
لانى لما بتعشى مش بنام وقولت للدكتور كده قالى كلى وجبات خفيفه على فترات
وبقيت اعمل كده ومش بتعشى برضه
عشان اعرف انام
اليومين دول مش بنام نهائى بقالى اسبوعين
بابدا نام بقى على الساعه 7 الصبح وطبعا 7 ونص بصحى جوزى عشان شغله ومش بعرف انام بعد كده
وباجى بليل برضه مش بعرف انام
انا قومن نمت دلوقتى صحيت على كتمة نفس صعبه اوى لو مش باصحى هاموت
لدرجه انى والله العظيم بنام قاعدة والله ومش مرتاحه برضه
امبارح نمت قاعدة وشرقت والنهاردة كتمة نفس كنت هموت
وخايفه انام دلوقتى لا يحصلى اللى حصل تانى
غير انى مش بقدر امشى على رجلى وظهرى بموت
ومش عارفه اعمل ايه بجد انا قولت للدكتور قالى مقدرش اعملك حاجه
من اللى بيحصلى والله قعدت ابكى نص ساعه بسبب عدم الراحه
ومش عارفه اعمل ايه بجد وتعبت
Nada*Waleed Nada*Waleed 437385_28.gif فتكات غالية قوي Fatakat 437385 Giza – مصر ام الدنيـــــــــــــــــا
سبحان الله و بحمده