السلام عليكم ورحمة الله وبركاتهتعبتوا وزهقتوا وعايزين الحل؟ جبتلكو الحل وان شاء الله ينفعكوا وينفعني.
احب اعرفكم اولاعني اسمي شوشو واتمنى انا نكون فريق متعاون مع بعض ويشجع بعض, واتمنى ان الموضوع دا يفيدني ويفيدكم, وكل اللي عيزاه انكم تدعوا لي.
ندخل في الموضوع انا عندي نظام غذائي مجربته ليه 5 ايام والحمدلله حاسه اني مش مقيده جدا فيه وهو صحي جدا لانه شامل جميع العناصر الغذائية, بس هي المشكلة مش في الرجيم المشكلة فينا احنا في عدم الالتزام والملل بسرعة من الرجيم.
اول حاجه قبل مااقول النظام, حابه اني اوضح نقاط جدا مهمه ركزي فيها:
اللي انا عايزه اقوله انه النظام دا هو الاساس اللي هتمشي عليه في حياتك يعني ايه؟
يعني احنا مش بناكل تلاته وجبات رئيسية(الفطاروالغداوالعشاء), وبناكل بين الوجبات (تقريبا طول النهار)؟طيب, ودا موجود في النظام ده واللي بيتكون من حاجتين زي ماقولنا:
الاولى: هي انه بيتكون من تلاته وجبات رئيسية(الفطوروالغداوالعشاء) هتكلي فيها باعتدال.
الثاني: هي الاكل بين الوجبات الرئيسية واللي لازم تكون ياخيار او خس فقط (ممنوع الفواكه بين الوجبات الرئيسية).
في حاجه كمان وهي (انك ممكن تطلعي وتخرجي فيه) يعني ايه؟ يعني ممكن انك تستبدلي الزبادي قليل الدسم مثلا علبتين بدل الجبنه والعيش في الفطار مع شرائح خيار, اوممكن انك تستبدلي العشاء بالفاكهه مثلا, او ممكن تاكلي 4فول (ويكون الفول اللي بدون خلطه) بالملعقه وطماطم وليمون عليه مع صحن سلطه كبير في الغدا…وهكذا, عشان ماتحسي انك مقيده في الرجيم (يعني تاكلي اكل صحي).
وممنوع انك تاكلي حلويات, وغازيات, ودهون, ونشويات ماعدا ربع رغيف في الفطار فقط.
ملاحظه مهمه اذا حسيت انك مره عايزه تاكلي شوكلاته مثلا فمش مشكله ياستي بس خدي قليل وزيدي المشي يعني لو انتي مثلا بتمشي نص ساعه كل يوم خليها اليوم دا ساعه, خلاص اوكيه.
اما بالنسبه لليوم الفري فهنشوف النتايج اولا وبعد كدا نحدد امتى هيكون.
هاقول لكم على الرجيم, لاني عارفه انكم هتخنقوني:
الفطار: ربع رغيف بر+ جبنه قريش او لبنه او زبادي تاخدي ربعها اونصها مع الربع العيش وكلها قليله الدسم.
الغدا:ربع فرخه او نفس المقدار لحمه حمرا او علبة تونه او سمكه او 2بيضه او 2علبه زبادي (قليل الدسم), (وطبعا الربع فرخه اواللحمه اوالسمكه كلها تكون يا مشوي يا مسلوق) + سلطه خضراء+ شوربة خضار ماعدا البطاطس والجزر.
العشاء: 2بيضتين او 3بياض بيض+ حبه فاكهه.
اوكوب لبن قليل الدسم +حبه فاكهه.
مبدئيا تلتزمي بيه بيه تلاته او اربع ايام بعد كدا, زي ماقولنا ممكن تزيدي شويه في الوجبات مثلا بدل ربع فرخه نخليها نص فرخه وممكن تستبدلي زي ماقولنا قبل كده, بس ماتكليش بين الوجبات الرئيسية غير الخيار او الخس.
اللي عايزه تشترك معايه تكتب لي:
اولا: الوزن الحالي والوزن المثالي اللي عايزه توصله والطول, بالنسبه ليه انا وزني مابين 105وميه وتلاته ونص, وزني المثالي:70, وطولي 171سم.
تانيا: لازم تحددي مواعيد الاكل بالساعة يعني الفطار الساعة 10 مثلا, الغداء…, لان تحديد مواعيد الاكل مهم لانه يساعد الجسم على الحرق, ودي خطوه مهمه حدا. وتحددي مواعيد للرياضة وتكون يوميا او يوم بعد يوم, فمثلا نص ساعة في اليوم مابين مشي وطلوع الدرج 5 دقائق مثلا, وماتضغطيش على نفسك اكتر من طاقتها, وكمان حددي الاعمال المنزلية اللي تقومي بيهامن كوي وتنظيف مثلا في يومين محددة عشان تكوني منظمةاكتر.
تالتا: واهم حاجه انك لازم تشغلي وقتك لازم بما يرضي الله عشان ده هيشغلك من التفكير في الاكل وفي الوزن يعني اعملي لك قائمة بحاجات مفيده تشغل وقتك بيها يعني مثلا قراءة كتب مفيدة, قراءة القران اوحفظه….الخ.
رابعا: انك تعلقي في غرفتك ورقه تكتبي فيها وزنك الحالي والمثالي وكل اسبوعين قد ايه نزلتي وحطيها قدامك.
خامسا: الوزن بعد اسبوعين عشان نتشجع اكتر وتكون النتيجه كويسه انشاء الله.
سادسا: انا نكون مع بعض دايما في المدونة نشجع ونساند بعض.
انتظرردودكم وتقييمكم للموضوع عشان نبدا باسرع وقت.
امل بلا نهايه امل بلا نهايه فتكات نشيطة Fatakat 434708 الرياض – المملكه