السلام عليكم ورحمة الله وبركاته يا فتوكاتي
يارب تكونوا بخير وادعولي ربنا يتمم حملي على خير ويثبته وبرزقني بطفل سليم معافى
موضوعي النهارده بجد اهم من كللللللل شوار العروسه موضوعي عن :
انك لااااااااااااااااازم تعالجي نفسك قبل الجواز لو بعد شر طلع فيكي حاجه تاخر الخلفه
متستغربيش انا حنقلكوا تجربتي انا كنت بحس دايما بوجع زي وجع الدوره فعلى طول جه فدماغي انه تكيسات على المبايض لاني كنت طخنت بصراحه الموضوع دا كان من زمان من قبل ما اتخطب حتى بس اهملت فيه لكن لما قربت اتجوز قلت لابد اعالج نفسي تحسبا لاي ظرف وفعلا دا الي حصل رحت لدكتور شاطر وقالي اعلمي تحليل بس لازم تقولي للدكتور تحليل انك تطمني كل شئ تمام من ناحية الخلفه ولو قالك لسه بدري كبري واعمليه
المهم وطلع فعلا عندي تكيسات بس مكننتش دي المشكله لان تكيساتي كانت بسيطه ومتمنعش الحمل طلع عندي هرمون اللبن ودا بقى بياخر الحمل وعلاجه كان بسيط جداااااااااااااا حبايتين بس والحمد لله لما اتجوزت بعد فتره حملت
انا عاوزه اقول ايه الي كان حيحصل لو دا محصلش……كدا كدا هما بيقولوا منبتديش نقلق الا بعدها بسنه بس عن نفسي كنت حستنى ست او سبع شهور بس وتخيلي بعد المده دي تكتشفي بعد الشر ان عندك حاجه يبقى كدا كمان كام شهر علاج الموضوع دخل في سنه وشويه واكيد كل واحده مننا بتبقى نفسها تحمل على طول فعشان كدا خلصي نفسي وكان الحاجه دي من ضمن الشوار عشان متقلقيش بعد الجواز صدقيني احساس مش حلو لما تفضلي تستني الدوره كل شهر متجيش والاخر تيجي وفوق دا كله تكتشفي انك بعد الشر فيكي حاجه حتحسي انك قصرتي في حق نفسك واتاخرتي كتير وتقولي يارتني اخدت الخطوه دي بدري
ولو تقدري تقنعي خطيبك حبيبك انه كمان يطمن يا حبذا
تاني حاجه يا قطه يا قطقوطه لو عندك التهابات او اي حاجه في المنطقه الحساسه فوراااااااا تعالجيها وفكك من سمار منطقة البكيني والحاجات دي اهم حاجه لو فيه افرازات غريبه او ريحه غريبه لازم تتعالج لانالنظافه والريحه مهمين قويييييييي في الجواز
انا اخدت عدوى من ماما كان بحس برطوبه وريحه ومش تمام والحمد لله رحت واتعالجت وعالجت ماما كمان عشان مرجعش اخد عدوى تاني
لان كدا خدي بالك لما يكون فيه التهابات مهمله بتعمل مشاكل في الحمل لان حصل كدا مع اختي
انا خلصت ربنا يوفقكوا كلكوا للخير
معلش مستعجله عشان جوزي قاعد ع راسي ومش عاوزاه يشوف حاجه فمعلش لو طلع في غلطات
بالله عليكوا ادعولي
lalalally lalalally 340331_1.gif فتكات هايلة Fatakat 340331 الاسكنديه – الاسكندريه
سبحان الله و بحمده