الاول كده انزلي قيمي قبل ماتقري يافتوكه يلا يلا
ازيكو يا احلي فتوكات وحشتووني جدا انا قولت انزل الجزء التاني من الموضوع بس هنقلكو بعض الحاجات المهمه ف الجزء الاول عشان الخط كان صغير للاسف
1/ اول ماتبدئي تجهزي خشي ع المفروشات طبعا هتكوني محدده كلاسيك ولا مودرن مودرن ابعدي عن اي ملايه فيها تطريز اي بطانيه شكلها تقلديي
وماتسمعيش لحد هاتي اللي ف دماغك وبس العدد زي ماتحبي طبعا
مفرش العروسه اختراع فاشل مالوش ريحة الاهاميه لومودرن ملايه ثري دي وكوفرته نفس الون ونسقي الالوان ملاياتك مع الوان الحيطه يعني لو ع اسود وسيلفر الاحمر هيبقي تحفه علي بنيات البيجات طبعا تمام الفوط بردو هاتي ف الوسط والخامه النضيفه اهم حاجه فوط الحمام هاتي علبتين مش هيخسرو وبالمناسبهه كده اضحكو واحده هبله ككده اللي هوه انا قبل الجواز كنت بقول فوط ايه واغسل وياي قرف مالها المناديل يعني وقعدو يضحكو عليا وماما جابتهالي قولت هحطها ف الحمام وخلاص جيت يا اوختي بعد الجواز قولت صحيح اللي مايعرفش يقول عدس
البرنص بلاش اللي ف علبه وفيه توك وحاجات مالهاش لازمه هاتي الفرداني التركي تحفه جد البطاطين والحفه طبعا علي حسب احتياجك وراحتك الكوفرتات انا جيباهم المجد تحفه هاتي الغاليه عشان تعيش معاكي
ندخل ع الهدوم
كتري من البرومودات والكاش مايو واللبس الصيفي عامة لان بتغيري كتير ف اليوم عشان العرق وهكذا الاندرات كترررررررررررري منها هاتي 5 دستس عادي ويكونو قطن عشان الالتهابات والحمل وهتغيرير كتير ف اليوم بجد تحفه وفوكك بقي من بانتيات القمصان والله بقيت اربطهم توك ف ديل الحصان بيبقو حوزوء كده واصلا هوه مابياخدش بالو منهم البراهات هاتي نص دستسه مش منجدين قصدي مش بوش اب يعني عشان بردو لو في حمل هتحتاجيهم .الهدوم الشتوي كتري ف الترينجات وكام عابيه بس عشان لو جالك ضيف او نزلتي عند حماتك روبين شتوي مهمين عشان لما تغسلي واحد تلاقي التاني واهم حاجه تجيبي مقاس اكبر من مقاسك عشان لو حملتي او تخنتي فحرام الحاجه ماتتلبسش تمام كده عبايات الاستقبال هاتي واحده غاليه وخلاص بعد كده بتتركن قمصان النوم العدد اللي تحبيه ونوعي ف الموديلات والاوان اهم حاجه ماتنسيش جيب صغنونه كده تلبسيها وتدلعي او شورت جينز بيعمل شغل وخلخال وبدلة رقص بعتبرهم مهمين وياسلام بقي لو في صاجات من الحسين كده هاتي واحده شيفاكي ياللي بتقولي ايه احنا ف مولد لا ياختي انحرفي ف بيتك عادي يعني حلاااااال حلااااااااااااال هاتي جزمه بكعب والبسيها علي قميص ليكرا زي الممثلين واتانتكي هما احلي منك ف ايه خدي فرصتك وطلعي المواهب الله يحرقهم اشمعنا هما يعني وخلي الراجل يقولك اعدلينين ياخاله
ندخل ع النيش
حبيب الجماهير لو مودرن ابوس ايدك بلاش 2 طقم خشاف وطقم قهوه وطقم شاي و2 صيني واركوبال وبيركس احنا مش داخلين نحارب والله تعيشي وتدوبي بس البساطه ف كل حاجه حلوه هاتي صيني واركوبال غالي وشيك اوي يغنيكي عن كل الهيصه دي وطقم قهوه تركي بلاش الصيني عشان عنددك ف الاطقم الكبيره الكاسات هاتي 5 معقول ويكونو شيك وحلوين بلاش عدد خليكي ف البساطه والحاجه الشيك هتظهر النيش وهيبقي تحفه اشطا ياحلوين الصواني التقديم هاتي 2 او 3 ستانلش زي ماتحبي وواحد بس يكون فيه فصوص عشان ايام الفرح
المطبخ السيراميك
احبووووووش كام واحد جربتو وانا جربتو بيتخدش بسرعه ومافيش احلي من السافلون ماختلفش عليه اتنين والله اوقات بنسي وااقلب بمعلقه استانلس وماحصلوش حاجه ماشاء الله هاتي طقم كامل 6 حلل وطاستين وطواجن ولبانه هيغنوكي العمر كلو بلاش بقي صاج والمونيا و5 عمدان حلل زي ماكون هنشتغل بيهم هاتي السافلون وطقم استانلس تركي نضيف للطبيخ او السلق وحله استانلس كبيره لو عندك عزومه تاخد ديك رومي او بططتين وفرخه وهكزا حلة الضغط مهمه جداااااا شنطة المعالق والله فلوس فالارض انا اللي مصبرني عليها انها بيانو ومحطوطه جمب النيش كديكور مش اكتر نصيحه بلاش هاتي ستاند معالق ومعالق فرداني من النضيفه مختومه 18/10 ده نصيحه مني السكاكين السيراميك اول مره بتبقي مولعه نااااااار تاني استخدام تلاقيها بردت وتلمت استاند السكاكين اللي كلو استانلس حتي الايد ده تحفه بلاش الشنطه والشاطور مالهمش لازمه احسن تتهوري ع الراجل الهيتر او كاتل الميه لا غني عنو ومافيش مانع هاتي براد كبير استانلس للزوم وكنك القهوه الطباق التركي البلاستيك تحفه كتر منها رهيبه هراسة التوم اختراع هيال بردو القطاعه الخضرا الجيده دي اختراع فاشل فوط المطبخ هاتي بتاع 8 او 10 بينفعو بس تكون خامتهم نضيفه بلاش ام الخمسه ب10 جنيه مالهمش لازمه اه ماتنسوش طقم العشا ده بس بتاع المطبخ تحطيه ف المطبقيه كتري من كوبيات المطبخ والمجات بينفعو وخلي 2 طقم كاسات حطيه ف المطبخ بردو طقم التلاجه مهم بردو
ندخل ف الاجهزه
التلاجه ال جي وبيكو نفس الدرجه بس انا جبت بيكو عشان اوسع وماشاء الله تحفه تبريد وفيها انذار عشان لو الباب ماتقفلش البوتجاز رويال بردو حلو معايا بتخنق من الامان بتاعو بس عشان بتفضلي ضاغطه ع المفتاح 5 ثواني عشان يشتغل
ديب فريزر بيكو ديجتال تحفه
غساله ال جي كوري رهيبه ماشاء الله
ميكرويف دايوو جميل مرواح فريش وتكييف شارب العجان تركي تحفه ماشاء الله جبت هاند بلندر وكبة لحك وخلاط مونيليكس كل حاجه بموتور لوحدها الميكسر غانيني عن الخلاط لسه ماستخدمتوش لحد دلوقتي شفاط البوتجاز توربينو ايطالي تحفه بردو بس نصيحه لازم مدخنه عشان يطرد لبرا
العفش
لو من دمياط لازم نجار معرفه عشان لو مش معرفه بيبعكط ف اول محطه ولفي الف مره وبعدين اشتري قبل ماتروحي قرري الاوان اللي عايزاه والموديلات عشان تعرفي تركزي بردو قرري الوانك او يعني حطي ف عين الاعتبار الاهميه لون كزا او شكل كزا هيسهل عليكي البنيات كترت اوي وتقليدي لو موردن غيرير اسود ف سيلفر ابيض وطبعا كل حاجه وليها عيب الاسود بيبان فيه الغبار بطريقه غبيه طول النهار ماشيه والفوطه ف ايدي المع والابيض بيتوسخ بسرعه بس كل حاجه بالمحافظه بتبقي هاايله لو مودرن بلاش تجيبي صالون مدهب حرااااااام ولو الشقه ضيقه بردو حرااام الحاجات دي عاوز فلل في صالونات مودرن تحفه نسقي الوان الشقه كلها مع بعض قوضة الاطفال عكي فيها بجد دخلي فيها كل الاوان المبهجه المطبخ لو ضيق نصيحه اعملي ايطالي ووسعي علي نفسك حاولي تخلي الدهان مع السيراميك مع الوان العفش متناسقين لو العفش مودرن بلاش الورد والحوارات دي فازه شيك لو عفشك اسمر اياكي الاقي حاجه عندك مدهبه انتيكه ولا بونبونيره كلو يبقي سيلفر والله لو مبخره هاتيها سيلفر دققي كده واقفي ع الواحده دي حاجة العمر ولو هتعملي عموله عينك ف وسط راااااسك كل يومين نطي للنجار انا رحت للاسترجي ضربت معاه الالوان بتاعة قوضة الا
فال عشان تكون علي مزاجي شوفي اعمليلهم قرد ماتتكاسليش الصنايعيه لو مافيش حد متابعهم هيبهدلو الددنيا ويشتغلو ع مزاجهم حتي المقابض والله نزلت جبتها معاهم السجاد الشعر حلو طبعا بس مش عملي اوي بصراحه انا جبت واحده منو بس والباقي حفر بارز مع خط سيرما بيلمع كده قماش الستاير اياكي والوكاله اكبر حراميه خاصة محلات زخاري ستيي ربنا ينتقم منهم لفي مره وعشره قبل ماتجيبي اي حاجه وسالي الاسعار اوعي تروحي تشتري وانتي ماعندكيش خلفيه واسالي صحابك وهنا ف النتدي عشان ماينضحكش عليكي لو مودرن بلاش افوره ف الستاير وفصتونات بقي وشجا خليكي بسيطه ف كل حاجه والالوان مع بعضها نصيحه مني بلاش لمض موفره ف الشهر بتتحرق بعض اسبوع النايلون عمليه وحلوه جدا
علي قد ماتقدري تفرشي قبل فرحك باسبوع
وماتنسيش 2 رول مفارش للدولاب سيلفر او مدهب علي حسب لون العفش
وبلاش هيصه ف الفرش كل ماكان عددكو قليل كل ماهتنجزو بسرعه
واول حاجه هتتفرش اوضة النوم وتتقفل والاطفال بعدها والمطبخ واخر حاجه النيش والبوفيه خلصتو عطري بيتك وبخريه وهاتي كيس فانيليه ورشيه ف اركان البيت وشغلي قرءان واقفلي قوضك وكل حاجتك بالمفاتيح وخديهم معاكي
وبلاش بقي حماتك يجيلها ناس تطلع تتفرح ويبهدلولك الشقه الاصول مافيهاش زعل اقفلي ع حاجتك واشتطرتي شقتك ماتتفتحي وف الصباحيه كلو هيتفرج ف اسبوع الفرح
اعملي حمام مغربي اول الاسبوع وحمام ليلت الدخله هتبقي فله والسويت ليلة الحنه ونصيحه اياكي تعملي وشك بالشمع والله ف الكوافير العروسه وشها اتحرق اتسلخ من الشمع وقعدت تعيط ياحببتي لو وشك حساس كمان ماتعمليش فتله ف وشك حواجبك وقورتك وشنبك احلقيه ههههههههههههههه وخلاص كده مش هيبان لو شعرك ناعم بلاش سيشوار هيبوظ وكده كده هتروحي تاخدي دش لو لون شعرك فاتح بلاش صبغة فاهمه مش عشان فرح تبوظي نفسك لا حافظي علي نفسك علي قد ماتقدري مش تجمليه ساعتين ويبوظ باقي العمر نصيحه بجد اعملي مساكات عادي وحمام كطريم وياريت يكون انتي اللي اشراهم من اماكن مضمونه ومجرباهم انا ع نفسي والله لحد الحنه قبلها بساعه كنت بفرش والنجار زنقني ف العفش والله حتي السويت عملتها يوم الفرح الصبح قضيت الحنه بريشي كده ههههههههه و4 ايام متواصله والله بفرش ماشوفت النوم يحت الكوافير يوم الفرح الساعه 4 العصر ماحدش ف التاريخ عملها
وكنت رايحه والله ماشايفه قدامي كان يوم صعبببببببببب فبلاش تزنقي نفسك الله يخليكي خلصي حاجتك بدري بدري واهتمي بتفاصيلك جزمتك والفستان والاكسسوار والطرح وجهزيهم من قبلها وانتي رايحه ماتنسيش راجعي حاجتك عشان ماتنسيهاش وقولي اللي انتي عاوزاه للكوافير يعملهولك ماتسبيهوش يشتغل ع مزاجو انا عن نفسي رحت الفرح كنت عامله زي اللي شاربه عشششيييييش قلة النوم طلبت تهييس ف الفرح الحمد لله وعدي علي خير هنيجي بقي بعد ماتروحي بقي انتي والعرير بيتكو 
ماسمعش فتوكه حلوه كده تطلع تقولي دي شكة دبووووس لااااااااا عندك بقي بصو يابنات الصراحه حلوه في وجع اه في وجامد كمان انا عن نفسي كنت بالدموع والله عارفه لما حاجه تبقي قد خرم شبه مقفوله وتزنقي فيها حاجه كبيره طبعا بتبقي صعبه بس اهم ماتشديش اعصابك كل ماهتتحملي وتريحي نفسك كل مالموضوع هيعدي بسهوله وممكن مش من اول يوم الغشاء بيتفتح كلو لحد اسبوع او كام يوم بعد الفرح بينزل كام نقطة دم فده طبيعي ماحدش يخاف تمام ماحدش يقولي فازلين طبي عشان يسهل الموضوع بجد غبي كده ومابعملش حاجه وتبعني جدا لحد تاني يوم جوز اختي جابلي نوع اسمو kly بجد تحفه الدكتور قالو بيستخدمو ف العمليات الولاده كمان لانو بيوسع العضله دي تمام ماتنسوش التشطيف او الغسول اهم حاجه عشان الالتهابات وااهم حاجه تغسلي بميه دافيه ويستحب تقعدي فيها شويه كده عشان ترتاحي وبس توته توته خلصت الحدوته اي استفسار انا موجوده ياقمرات وادعولي بزريه صالحه يارب ويهديلي جوزي ويوسع رزقه انا وزوجات المسلمين جميعا يارب ولو ماقيمتيش هزعل منك افتوكه
rena.mohamed rena.mohamed 555216_1.gif فتكات متميزة Fatakat 555216 zagazig – egypt