بسم الله الرحمن الرحيم
أنا مش عارفه الموضوع يكتب هنا ولا إيه
بس أنا حسيت ان هنا أنسب مكان
اقري لاخر الموضوع وأنتو تفهموني
مرهـ وأنا بغسل المواعين كدهـ وشغلت الراديو يونسني لقيت بيقولوا الان مع برنامج بسمة أمل مع الأستاذ عمرو خالد أنا فرحت بقى وقولت اسمع
قال إيه بقى :
قال أنا النهاردهـ هحكيلكم حكايتي مع إبنى علي
في يوم قررت إني أعلمه إزاي يركب العجلة وكان عندي اصرار عشان وأنا صغير عمي علمني إزاي أركب العجلة
ولحد دلوقتي فاكر الموقف دهـ فحبيت أعمله مع على إبنى
وبالفل اخدته تاني يوم وروحنا البارك في لندن وركبته العجلة وبدئنا نتعلم أزوقه شويه ويروح واقع
كل شويه لحد عدى يمكن ساعتين ومفيش اي تقدم ولا جديد
والدنيا هتبدء تمطر وأنا تعبت من الجري وهو بدء ييأس ويحس إنه مش هيعرف يركب العجلة أبداً
فقولت أخر محاولة بقى وأمري لله
قولتله على حبيبي بص أنا هزقك بالعجلة وأعد 6 ثواني تحاول تمسك نفسك لو مش وقعت هيبقى أنت كدهـ تعرف تركب العجله
وفعلا عد 6 ثواني والولد فضل على قد ما يقدر يمسك نفسه أوووي عشان مش يقع وعدى ال 6 ثواني ومش وقع
قاله نخليها بقى 10 ثواني وفعلا فضل ماسك نفسه
طيب نخليها 16 ثانيه وهكذااا لحد ما علي
عرف يركب العجله
عمرو خالد بقى قال قصدهـ إيه من القصة
إن لما يكون عندك إنجاز كبير في أي حاجه في شغلك في دراستك في بيتك في مستقبلك
أي حاجه أوعى تفضل حاطه كدهـ كبير قدامك
عشان هتفضل فاكر أن الحلم كبير وأنت صغير
لكن قسمه لأجزاء
يعني عايز تبقى دكتور في الجامعة قسم حلمك ان الترم دهـ تجيب تقدير عالي لحد ما تتخرج قول هعمل الماجستير بس وبعد كده قول الدكتوراهـ بس
وهكذا بقى على كل حياتك
بجد كان معاهـ كل الحق وأستفدت أوووي من القصه دي
أضاف عمرو خالد أن هو على وهو راكب العجلة كان عايز باباهـ يفضل ماسك إيده عشان خايف
بس بعد ما عرف يركب العجله بقى يجري بيها ولما كان يجي عمرو خالد يمسك ايدهـ يقوله أوعى إيدك يا بابا
هو ماسك إيدهـ عشان باباهـ بيحبه
بس على عايز ينطلق ويجري بالعجله
دي رسالة للأباء
أعرفوا إمته تمسكوا وتكونوا جنب عيالكم وأمته تسيبيهم للحياة ويجربوا فيها
لان مينفعش نفضل نقيدهم
وفي الأخر أحب أشكر الأستاذ عمرو خالد جداا على الدرس الجميل دهـ و أدعيله أن ربنا يباركله في على أبنه يااارب ويحفظهولوا ويحفظ كل أطفال المسلمين يااارب
لو القصة عجبتكم ياريت تقيموا وتردوا بدعوه حلوه كدهـ زيكم
يلا بقى فتوكوو بعافيه
a7la gana a7la gana 357747_7.gif فتكات رائعة Fatakat 357747 مدينة نصر – القاهرة