بسم الله الرحمن الرحيم
السلام عليكن ورحمه الله وبركاته
ازيكم يا بنات
انا النهارده عملت سمك فيليه وقولت لازم اورهولكم واعرف رئيكم فيه
بس بامااااااااااااانه
انا فى الاول كده عملت طبق شبسى وجهزته على التحمير
واول ما ابتديت القلى قليت الشيبسى فى نفس الوقت عشان يبقى سخن وجميل بصوا حلو ازاى مممممممممم
اما الفيليه بقى انا كنت متبلاه من قبلها و حطاه فى التلاجه
والتدبيله هى ( كمون ده اهم حاجه – رشه ملح مش كتير لا السمك الفيليه بيحدق بسرعه –
رشه كركم برده بسيطه – ثوم ناعم – رشه قرفه بسيطه اوىىى )
وبعدين اكون مجهزه طبق فيه دقيق وطبق فيه بقسماط مطحون
وطبق فيه لبن وبيض وعليه رشه ملح وفلفل بسيطه
واحط السمك فى الدقيق للبيض للبقسماط زى البوفتيك كده بالظبط وياريت لو فى وقت يتحط فى التلاجه شويه لو فى وقت ما فيش خلاص مش مهم يتحمر بس فى زيت سخن وكتير
وده السمك الفيليه وسخن وجميييييييييييل
وهنا بعد التكات بقى هههههه
حطيت التتشات بقى ههههههههه
ومنساش طبعا طبق السلطه الطحينه الجميل
وده بقى عباره عن طحينه وكمون وخل وتوم ورشه ملح بسيطه اوى
وشويه زيت بسيطه وشويه مايه سخنه
وده شكله
وطبعا الرز البنى حبيب الملايين
وطبعا طبعا السلطه الخضره
وهنا بقى المائده يا فتوكات اتفضلو معانا
لو الاكل عجبكوا قيمو
ولو معجبكوش قيموا بردو هههههههه اصلى انا تعبت اوى بصراحه
فى رفع الصور
يلا شجعونى وهنزلكم حاجات تانيه ان شاء الله
فى امان الله يا بنات
مواضيع هذا القسم برعاية
عاشقه رضاك يا الله عاشقه رضاك يا الله 660813_2.gif فتكات متميزة Fatakat 660813 جنه الله فى الارض – ارض الله