ازيكم يا فتوكاتى…..اكلتنا النهاردة هى البيف
ترياكى
طبعا كله بيسمع كلمة ترياكى دى او حتى لو
مش بيسمعها
هى نوع من الصوصات الصينى زى الصويا صوص
ممكن بقة نعمل بيه بيف ترياكى او تشيكن
ترياكى
او جمبرى ترياكى زى ماحنا عاوزين
طبعا انا ماعنديش ترياكى هههه
ولا يهمنى بس هعمل ترياكى يعنى هعمل
ترياكى ههه
المقادير
شرائح لحمة رفيعة بتلو او بقرى
ملح فلفل توم بابريكا
بدل صوص الترياكى انا كان عندى سويت صويا
صوص
يعنى صويا صوص حلو
طب لو ماعندكيش
مافيش مشكلة خالص
هتجيبى معلقتين صويا صوص
عليهم معلقتين صغيرين عسل اسود او نحل
طب لو مافيش هههه
انا وراكى لحد ماتعمليه
كفاية معلقتين عسل اسود
الطريقة
اللحم تبليه كويس بملح وفلفل وتوم مفروم
وبابريكا
بس كترى الملح سنة
حطيه فى اسياخ بس يكون مفرود كدة
اشويه فى مقلاة فيها شوية زيت زيتون كدة
وانا بشويه بدهنه بالصوص بتاعى حاجة بسيطة
اقلب وادهن الناحية التانية
لحد مانوصل للون الجميل ده
وكدة هيتقدم
وممكن مع مكرونة كدة
هتلاقى الوصفة سهلة جدا
وتنفع مع اى نوع لحمة او حتى فراخ
ياريت تجربوها
مع الطماطم المشوية
طب لو الوصفة عجبتكوا ماتنسوش تقيموا
*
*
*
*
*
*
اللى خارجة من غير ماتقيم امممسك
عموما انتى وذوقك بقة
سلام يا فتوكات
مواضيع هذا القسم برعاية
ام هاجر و عبد الرحمن ام هاجر و عبد الرحمن images/avatars/peppers.jpg سوبر فتكات Fatakat 423655 دمنهور – مصر