بســم اللـــه الـرحمــن الـرحيــم
انهارده كنت زهقااااااااااانه من الاكل فقلت اغير بقا عملت فراخ مشويه ورز بس ايه مش اى رز طعمه تحفففففففففه
ان شاء الله يعجبكم
يلا نشوف الطريقه
بالنسبه للفراخ بسيطه جدا
بصله مبشوره + ملح + فلفل + شطه + زعتر + رشة زنجبيل + عصير ليمونتين
نخلطهم كويس ونتبل الفراخ كم بره وجوا وتحت الجلد خصوصا عند الصدر عشان تشرب الطعم
بس انهارده عملت اوراك بس
وعالفررررررررررن وتقريبا بتاخد ساعه وربع
نيجى للرز بقا
احم احم
معلش لازم استعد نفسويا
اصل ده مش اى رز
هههههههههههههههههه معلش غلباويه شويه استحملونى
بصو يا حبايبى عايزين
بصله مقطعه صغير + فلفل ملون مقطع صغير + معلقه صغيره كركم + معلقه صغيره بهار فراخ + نص معلقه صغيره كارى + ملح + عود قرفه + 3 حبات قرنفل وممكن تحطو مكعب ماجى بس انا ماحطتش عشان خلصت
نيجى للطريقه
اولا نقطع البصل ونحطه عالنار مع معلقة زيت لحد ما يدبل بس
ونضيف عليه الفلفل ونقلبه تقليبه واحده مش عايزاه يستوى اوى
ونحط التوابل كلها ماعدا القرفه والقرنفل
وبعدين نحط الرز ونقلب شويه
وبعدين نضيف المايه ونحط القرفه والقرنفل
ونسيبه واول ما يغلى نوطى النار خااااااااالص ولما يستوى نقدمه كده
وبالف هنا وشفا طبعا حاخد انا الورك المتحمر زياده نياهاهاهاها شريره
يا رب تكون وصفتى عجبتكم
وماتنسووووووووش تدعولى بالهدايه
وعلى الله تنسو تقيموا واللى مش حتقيم مش حديها طبق من اللى فوق هع
مواضيع هذا القسم برعاية
sparkel sparkel 131471_2.gif فتكات هايلة Fatakat 131471 الاسكندرية – مصر