السلام عليكم ورحمة الله وبركاته
صباح الخير علي احلي فتاتيك في الدنيا انا من زمان مشتركتش وعملت مواضيع كان عندي ظروف
بس امبارح عملت اكلة حلوة وعاجبتني انا وجوزي موت قولت اصورها وجبهالكو وكمان طريقتها ودي
صورتها لعيونكو الحلوين بس عشان يشوفوها
هي دي بجد رهيبة وكلها شوربة منها فيها وطعمها كمان يجنن تحسي انها مشوية
طبعا مش في الفرن واليكم الطريقـــــــــــــــــــــــــــــة
اول حاجة هتجيبي اللحمة اي نوع انتي عايزاة وتقطعيها قطع صغيرة بس مش قوي يعني وتحطيها في صنية الفرن
وتحطي عليها بصل مفروم حوالي بصلتين كبار دي علي قد صنيتي لو انتي هتعملي كمية اكتر كتري زي ماانتي عايزة وبعدين قرن فلفل اخضر حار مش كتير وكمان حباية طماطم مقطعة صغير وعليهم رشة بقدونس مفروم وكمان معلقتين صلصة عشان تطريها وحطي كمان معلقتين كبار زبادي او اللبن الرايب وانا حطيت كمان معلقتين من الزيتون المخلل المخلي من النواةودة هيديها طعم شوي مع الزبادي والبهارات بقي حطي الملح والفلفل الاسود
الكمون الكسبرة الناشفة الشطة المجروشة الخشنة وكمان متنسيش فصين ثوم مقطعين شرائح
دة كلو هيبقي فوق اللحمة استخدمي ايديكي بقي مش معلقة هتفرق والله لانك بتحسي بالمكونات كلها من خلال ايديكي
وبتخليها تختلط مع بعض افضل من المعلقة
وبعدين حطي كوباية مية او شوربة شوية يعني حوالي نص الصينية او اقل لان كل الحاجات دي هتنزل مية وغطيها
بورق سلوفان ومتنسيش تحطي عليها صحيح معلقة كبيرة زبدة او سمنة او زيت اللي عندك حطيه انا حطيت زبدة
وحطي ورق السلوفان وعالفرن وسيبيها براحتها خالص علي درجة حرارة متوسطة لحد ما تستوي زي ماانتي عايزة وفي الاخر ابقي اكشفيها وخلي وشها يتحمر بس انا معملتش كدة لان جوزي مبيحبش اللحمة تكون ناشفة بيحبها طرية وبكدة نكون خلصنا مبتخدش وقت بتحضيرها خالص الوقت كله بيبقي في السوي
وانا عملت جمبها رز بالشعيرية وسلطة وملوخية خضراء وهجبلكو صور للسفرة بعد ما جوزي جه وحطيت الاكل بس كان جاي بدري عن معاده وماحقتش اعمل شوية حركات ولا تزويق لانه كان جعان ومصبرش فحطيتها وخليته يصبر لما اصورها ليكو بس كان مش قادر يصبر من ريحة اللحمة المفحفحة والصور اهه
وصورة كمان
اية رأيكو بقي اكلة بسيطة وكمان جميلة وجربوها ومش هتندمو عايزة بقي رد حلو وكمان متنسوش التقييم واسألكم
الدعاء لي وسائر المسلمين بالذرية الصالحة مواضيع هذا القسم برعاية
البيت السعيد7 البيت السعيد7 فتكات نشيطة Fatakat 706036 الشارقة – الامارات