السلام عليكم
ازيكم يا اجمل فتوكات فى الدنيا انا خطوبتى كانت 12-9
تالت يوم العيد يعنى والحمد لله كانت كويسه عملتها فى البيت وعملت فيها شويه افكار حلوه تعالو شوفوها بقه
ده الجيست بوك بس مش عملته تقليدى لا ده انا جبت صور ليه ولخطيبى وطبعتهم ابيض واسود وركبتهم فوتوشوب وكمان كلمه من خطيبى ليه ومنى لخطيبى فى كل صفحه معموله فى قلب صغير تحت
ده شكل الكتاب من بره من قدام
وده من بره بس من وراء
طريقه العمل بقه يا بنوتات عشان كل اللى طلبوها
بصى يا ستى الادوات المطلوبه ايه
قماش لون الفستان شرايط تزيين تليق عليه
مسدس شمع
كارتون مقوى (ناصبيان)
سفنج على قد الكتاب عشان يرفع ويعمل سمك وده اختيارى
اولا هتقيسى على فرخ الكارتون مقاس الورق بس اكبر سم من كل ناحيه وبعدين قصى
تانى خطوه هنزلق لوح السفنج على الكارتونه
هنقص القماش اكبر من الكتاب ونلزقه على الكارتونه
هنجيب ورق الكتاب اشتريه من المكتبه ابيض او الوان حسب رغبتك انا عن نفسى طبعت عليه صورى انا وخطيبى فى كل صفحه صوره مختلفه وكلمه منى ليه او منه ليه
هتزينى بقه الكتاب من بره وده حسب زوقك انتى
وبعدين تودى الورق مكتبه تدبسهولك تدبيس من الدبابيس الكبيره وتلزقيه بالشمع فى الجلده
وفى حاجه اختيارى بقه لو عيبزه شكله يبقى حلو من جوه متسبيش الكرتونه باينه الزقى عليها حاجه جوه انا جبت ورق مقوى بمبى ولزقته
اخر حاجه بلاش تجربى اول مره فى فرحك عشان مش هيظبط معاكى من اول مره
طريقه العمل بقه يا قمرات
اولا كاسين والافضل يكونو ساده او نقشتهم قليله
شرايط تزيين
مقص
مسدس شمع
اول حاجه هنجيب الكاسين
ونلف حواليهم الشريط دايره ونلزق بالشمع
وممكن نعمل اى شكل عيزينو فوقها زى الفيونكه
بالنسبه للعريس والعروسه هما مش صعبين ارسميهم الاول على ورقه وقصى القماش واحشيهم فيبر والزقى بس هما مكلفين لانهم عيزين 3 الوان قماش
طريقه العمل
قيسى المخده المقاس اللى تحبيه انا بفضل 25 فى 25
قصى القماش وحيطيه من جوه زى اى مخده
اقلبى المخده
زينيها من بره بالشرايط وبالشكل اللى تحبيه وفى ناس بتربط الدبل فى شرايط وده كل الناس انا عن نفسى اخترعت حاجه جديده جبت بتاع كده بيتشكل بالشكل اللى تحبيه ونفس لون المخده وتحسى جواه سلك هو بيتحط كزينهعلى الهدايا وتنيت كل واحده نصين ولزقتها بالشمع
وبردو التزيين هنا حسب زوقك
طريقه العمل بقه يا قمرات سهله خالص قماش فرو بتاع الدباديب بيتلف بيه الهدايا
وورق ورد مجفف بيتباع فى المكتبات
مسدس شمع ومقص
جيبى ترابيزه الانتريه بتاعتك وقيسى عرض بروازها وطوله
قصى القماش على قده
الزقى عليه ورق الورد بس منتور مش كتير ورشى برونز وبرفان فوقه عشان يثبت
الزقيسه على التربيزه بلزق عشان مش تبوظيه حولى متلزقيهاش بشمع
ودى بقه الزينه يا فتوكاتى بس مكنتش لسه علقت البالونات
طريقه العمل بقه
جيبى فل من المكتبه فرخ كامل بالسمك اللى تحبيه
قماش من بتاع لف الهدايا ويفض احمر او اسود
قصى الفل على هيئه الحرف وممكن نستغنى عن الفل بورق كارتون مقوى ونحط حته فل صغيره وراء بسي ترفه السمك
القماش من قدام يكون مظبوط اوى بس من وراء متحوليش تظبطيه لانك لو ظبطيه من وراء هيبوظ من قدام
الزقى الورد بعد كده بالشمع
وكده خلصنا منه
ممكن بقه لو مش فضيه تجيبى القماش الفرو وتعمليه على طول ومن غير ورد
الوشه دى قماش تل الوان مختلفه
فرع نور
وعلى فكره يا فتوكات انا اللى عملت كل الحاجات دى من اصغر حاجه لاكبرحاجه عيزه خد رايكم فيها بقه يارب تعجبكم لانى كنت عيزه انزلهم المول بس قولت لازم اشوف الاول هيعجبوكو ولالا
على فكره كل حاجه فوشيه لانى كنت لابسه فستان فوشيه وخطيبى كان لابس بدله سوداء وكرافته فوشيه فى بينك فى ابيض وعقبال كل البنات مستنيه رايكم
وعلى فكره يا فتوكات انا اللى عملت كل الحاجات دى من اصغر حاجه لاكبرحاجه عيزه خد رايكم فيها بقه يارب تعجبكم لانى كنت عيزه انزلهم المول بس قولت لازم اشوف الاول هيعجبوكو ولالا
على فكره كل حاجه فوشيه لانى كنت لابسه فستان فوشيه وخطيبى كان لابس بدله سوداء وكرافته فوشيه فى بينك فى ابيض وعقبال كل البنات مستنيه رايكم
واخيرا وبعد طول انتظار فستانى ههههههه
وعلى فكره البدى التل ده انا اللى مطرزاه
مستنيه رايكم فى كل حاجه يا قمرات
كللا اللى هطلبه منكم يا بنوتات 3 حاجات
متعمليش فرحك الا لو فيه حاجه بسيطه زى دى عشان تبقى مميزه وان شاء الله مش هتاخد منك وقت كبير
تانى حاجه تدعولى ربنا يتمم علينا بخير وتدعو لخالو ربنا يشفيه
تالت حاجه بقه يا ريت اللى هتنقل الموضوع تستاذنى الاول لانى نفسى يبقى فى فتكات وبس ولو انى عرفهه ان فى ناس بردو بتنقل حاجات كتير من فتكات فاللى عيزه تنقله تستاذنى بس لانى هطلب مها طلب صغير انها متحطش صوره الورقه اللى فيها صوره خطيبى بتاعت الكتاب وكمان صور فستانى
واى بنوته مش هتقدر توفر وقت تعمل فيه الحاجات دى انا مستعده اعملها وهنزل موضوع قريب باذن الله فى المول وان شاء الله الاسعار هتبقى مناسبه
انا زودت طريقه العمل اهو يا قمرات وصور الفستان عشان اللى طلبوه منى عالخاص والعام
esso2 esso2 144989_1.gif سوبر فتكات Fatakat 144989 قلب حبيبى – اللى بموت فيه