سلام عليكم ورحمة الله وبركاته
ازيكم يا بنات بقالى كتير معملتش مواضيع هنا بس المرة دى جايلكم بموضوع جامد من اللى هو
نبدأ بسم الله الرحمن الرحيم
اولا انا معرفش انتوا تعرفونى ولالا بس انا عملت مواضيع كتير جدا هنا بسبب التكيس والحمل والاجهاض والهيصة دى اللى معظمنا بيمر بيها
وكنت علطول اول ما يحصلى اى حاجة اجرى واسالكوا هنا
ومن حوالى خمس شهور كده بدأت اهدى خااااااااااالص واعقل كده وافكر شوية وحسيت ان كده اوفر وان الوقت بيعدى بسرعة وانا علطول شاغلة نفسى بحاجة واحدة بس وهى الحممممممممممممل
انا على فكرة بقالى سنة وشهرين متجوزة
كنت بتابع الاول مع دكتورة وباخد منشطات والحقن والكورس المعتاد اللى احنا عارفينه وبعدين جات عليا مرة تعبت وزهقت وقلت انا حريح الشهر ده واروح لدكتور كده كان ناس كتير قايلنلى عليه وفعلا رحت وقعدت معاه شهرين بس فى خلال الشهرين دول جاتلى حالة غريبة جدا من الهدوء والرضا ومبقتش ازعل اما تيجى البريود ولا اى حاجة المهم
الشهر اللى وراه قررت انى مش حروح للدكتور ده تانى وحروح لدكتور تالت خالص ودى كانت غلطة كبيرة منى بس ساعتها كنت حابة اسمع الكلام كمان مرة علشان اعرف اتصرف المهم اتصلت بالدكتور علشان احجز وفوجئت ان الحجز حيبقى بعد تلات اسابيع وانا كان ساعتها الحلوة عندى وساعتها ادركت ان التبويض حيروح عليا الشهر ده وقلت الحمد لله وكبرت دماغى
بس كان جوايا يقين ان فى حاجة حتحصل الشهر ده
قمت رحت جريت على النت وفضلت ادور على حاجة تكون مفيدة لحالتى (التكيس)
ولقيت حبة البركة واحاديث عن الرسول انها بتشفى من كل مرض الا السأم
فانا قلت حجرب وعملت حاجتين
1- شربت بردقوش اول 13 يوم من البريود
2- بقيت كل يوم اخد سبع حبات حبة البركة قبل مانام وانا باخدهم افضل ادعى واشرب حبةة لبن وانااااااااااام برضه اول 13 يوم
واهم من دول الاستغفااااااار والصدقة صدقونى سحر
طبعا انا البريود عندى ماكنتش مظبوطة
فمعرفش تبويضى امتى ولا حسبتله وكان كمان جوزى عنده ظروف فى شغله وبيبات بره والدنيا متلخبطة
المهم جيه معاد الدكتور اللى قولنا عليه فوق فاكرينه؟
رحتله وكلامه قليل الذوق وقالى مفيش تبويض الشهر ده وطلعت من عنده منهارة وفضلت ادعى ربنا يجبر بخاطرى
وروحت البيت بقى وكان فاضل كام يوم على العيد الكبير وهاااااااااتك يا تنفيض وغسيل سجاااااااد وهيصة جامدة جدا
وجيه معاد البريود واعراضها كلها عندى كلهااااااااااااا وفى ميعادها المتوقع جالى وجعها كله ومنزلتش رحت تاني يوم جبت تحليل منزلى وعملته والمفاجاه انى حااااااااامل وعياااااااااااط بقى ومش مصدقة ورحت للدكتور وطمنى بس طبعا مبانش حاجة فى السونار
انا رغيت على قلبكوا كتير انا عارفة بس انا حاسة بيكوا جدا
وعاوزة اقولكوا ربنا لما بيريد حاجة مفيش مرض ممكن يقف قدام الارادة دى وان كرمه وعطفه بس علينا هو السبيل الوحيد ان احنا نفرح فى حياتنا
عاوزة اقول كمان لكل بنوتة متجوزة متخافيش ابدا ربنا حيراضيكى ويفرح قلبك انتى بس ادعى واستغفرى وخدى بالاسباب وسبيها على ربنا
واخر حاجة طالبة منكوا تدعولى ربنا يتمم حملى بخير وربنا ياااااااااااااارب يرزق كل البنات الذرية الصالحة ويفرح قلوبهم
لو استفدتى اى حاجة من الموضوع قيمى علشان بقيت الفتاتيك يشوفوه فى امان الله
MEMO LOLY MEMO LOLY 776543_1.gif فتكات متميزة Fatakat 776543 اسكندرية – مصر
سبحان الله و بحمده