سلام عليكم يا بنات
وحشتونى جدا .. زعلانة منكم بس ما علينا
اشمعنا انتوا مش هتزعلونى ,, الدنيا كلها مزعلانى
تعالو ندلع نفسنا أيام الامتحانات
طبعا داخلين على امتحانات وايام جميلة اووووى
انا بقى عكس البنات كلهم اللى بيهملوا فى نفسهم وقت الامتحانات
ومبقعدش اذاكر الا لما اروق اوضتى واستحمى واظبط نفسي واحط برفان وابقى حلوة وجميلة كدة
هنبدا بأسم الله
اولا هتصحى تظبطى سريرك وأوضتك تدخلى تاخدى شاورك
تغيرى هدومك وتسرحى شعرك وتحطى برفان
تمام يا وزة ؟؟
تدخلى تفطرى او تشربى النسكافية بتاعك وتبدأى مذاكرتك بسم الله
صدقينى لو عملتى كدة هيفرق معاكى الموضوع ف مذاكرتك جدا
حاولى تفضى دماغك من اى مشاكل وأرف
مين فينا بقى مش بيزهق من المذاكرة وبيقوم فى نص الوقت يريح حبة
هو الوقت دة بقى
غيرى تسريحة شعرك
حطى زبدة كاكاو
اعملى ماسك
حطى مرطب فى ايدك ورجلك والبسى شراب ف رجلك
هوريكى كام تسريحة لزوم الزهق والتغيير
دى بقى لو عايزة تغيرى بالتوك الفيونكة تقدري تعملى كذا تسريحة
انا شيفاهم عسولين وسهلين يا بنات
طب ممكن نعمل اي تانى ؟؟
ممكن نرسم تاتوو بالايلينر .. زى ماكنت عاملة ف موضوع قبل كدة
لو عندك ايلينر ارسمى على ايدك حرفك او حتى وردة صغننة
اية تانى بردو
ممكن تجربى ماسك الترمس والعسل
يكون ترمس مطحون ومعاه معلقة عسل وسيبيه ع وشك ربع ساعة
ممكن بردو تمسحى وشك بقطنة وتبليها لبن
او تعملى ماسك النشا واللبن ارفعيهم عالنار حبة لحد مايبقى مهلبيه وسبيه يبرد وحطيه ع وشك
فالاخر يا بنات
مش معنى انه وقت امتحانات يبقى نهمل فى نفسنا
بحاجات بسيطة كدة هتبقى عسل وموووزة منورة
يارب تكونوا استفدتم
بحبك فالله
menna mnoon menna mnoon 883976_3.gif فتكات نشيطة Fatakat 883976 cairo – egypt