تعالوا ياقمرات اقولوكم طريقه الفته المصرى بمناسبه عيد اللحمه وكل سنه وانتم طيبين
المقادير:
1/2ك رز متنقى ومغسول
3 فص فصوص توم مدقوق
5 حبات طماطم معصوره
1/2 كوب خل ابيض
3 كوب زيت
3رغيف عيش ناشف
2 كوب شوربه
ملح وفلفل اسود
التحضير:
اولا:عمل الارز والطريقه لعيونكم واللى كلنا عارفينها بس للعلم بالشىء
1-نحضر حله فارغه
2-نضع كوب الزيت فى الحله حتى يقدح
3-نضيف الارز والملح والماء
4-نوطى النار بعد تشرب الارز الماء حتى تمام النضج
تم عمل الارز ياسكرات
ثانيا:عمل الصلصه
1-ناتى بحله صغيره بعض الشىء
2-نضيف كوب واحد زيت يقدح
3-نضيف التوم المدقوق
4-عند اصفرار التوم نضيف الخل ونغطى عليه بسرعه
5-نضيف الطماطم المعصوره للتوم والخل ونضع عليها الملح والفلفل الاسود ونتركه حتى تمام النضج
ثالثا:عمل العيش
1-نقطع العيش الى قطع صغيره
2-نقدح الزيت كوب واحد
3-نحمر العيش جيدا
4-بعد التحمير للعيش نضع عليه كوب الشوربه وتكون ساخنه حتى يتشرب العيش الشوربه
رابعا: الفنش النهائى لطبق الفته
1-نحضر طبق كبير غويط
2-نضع فيه العيش المتشرب بالشوربه
3-نضع على العيش قليل من الصلصه وتكون ساخنه مع الشوربه
4- نكبس الارز على العيش ونسويه
5-نضع من فوق الوش الصلصه ام توم وخل بشكل دائرى
:sCh_christianpray3:الف هنا وصحه ليكم ولكل اللى يجرب وتسلم ايديهم
طبعا مستنيه ردودكم ودعاكم لى وبنتى وزوجى بالهدايه والحب الدائم:sCh_christianpray3: مواضيع هذا القسم برعاية
jana_mony jana_mony فتكات حبوبة Fatakat 119511 zagazig – egypt