مساء جميل سعيد على كل الناس
وكل عام وانتم في افضل حال .. يارب امين
هقدملكم صور خاصه من عزوماتي الخاصه ولمساتي الفنيه الخاصه
وما يشكر في نفسه الا اللي يستاهل ههههههه
…
طبعا لانها كانت عزومه انا ماصورتش الخطوات نظرا لضيق الوقت
والله فعلا التصوير كان يادوب على اخر لحظات والحمدلله اني لقيت وقت لتصوير السفره فى الاخر
لكن هقول الطريقه لكل صنف قدمته
…
اول صنف معايا .. فراخ مشويه
و..عملتها بنفس الطريقه لموضوع الفراخ اللي نزلته مسبقاً بالخطوات والصور لكل خطوه
…
تاني صنف عملته كان مكرونه بـ البشاميل
هنقول الطريقه بمنتهى البساطه
اول شئ عصجت اللحمه مع البصل المفروم
فـ الوقت ده سبت المكرونه تتسلق
وفنفس الوقت برضه حضرت البشاميل
بـ إضافة كيس بشاميل لـ كيلو لبن صافي ويتم تقليبهم جيدا لحد ما نوصل للقوام المناسب …
بعد كده حضرت الصينيه اللي هعمل فيها المكرونه ويستحسن تكون من ورق الالومنيوم عشان تعملى فيها وترميها بعد كده
بدون ما تحتاجي تغسلي وتدوشي نفسك لانها بـ تكون في بقايا فى الجوانب لزقه شويه
والصواني دي موجوده في اي هايبر ماركت
دهنت جميع الجوانب معلقة سمنه بلدي والارضيه بتاعة الصينيه
بعد كده رصيت طبقه من المكرونه
وفوقها اللحمه والبصل بعد ما عصجتهم ..
وكميه من البشاميل نصبها فوقهم
وبعد كده طبقة المكرونه اللي فاضله
وفوقهم باقي البشاميل
وندخلها الفرن ساعه او ساعه وربع
بعد كده نولع الشوايه عشان تحمر الوش
صوره تانيه
التزيين بــ يخلي اطباقك مختلفه
بـ يديها شكل ورونق ..
بسيط جدا مش بياخد وقت
…
تالت صنف كان موجود معايا كان طاجن باميه
بس ماصورتهوش لانه كان في البتاعه الصيني المقفوله دي ههههه
وكانت باميه رائعه وطريقتها بسيطه
اول شئ حضرت الطاجن وقطعت فصوص التوم
بعد كده حطيت عليهم اللحمه ومعلقة سمنه وبهارات
وسبتهم عــ النار يتتبلوا مع بعض
بعد كده حطيت الصلصه المتسبكه وبعد خمس دقايق حطيت الباميه
ودخلتهم الفرن
وسبتهم ياخدوا وقتهم خااالص بعد كده جهزت التقليه .. توم وخضره مدقوقه او مفرومه فى معلقة سمنه
وحطتها فوق الطاجن
…
كمان طبق السلطه اساسي فى العزومه
وتتبيلة طبق السلطه ايضا فن لا يجب اهماله
لان في ناس بتقطع المكونات وخلاص وتقدم الطبق بلا طعم ولا معنى
…
صوره نهائيه للسفره
صوره تانيه
…
كل عام وانتم بخير
وبجد انا تعبت فـ الموضوع تصوير ورفع صور وكتابه .. يارب يكون عجبكم
ويارب اكون قدمت شئ مفيد
حبي وتقديري لكم
غادة إبراهيم مواضيع هذا القسم برعاية
روح الرومانسية روح الرومانسية 183019_6.gif سوبر فتكات Fatakat 183019 الغـــــــردقــــــه – مصـــــــــــر