ازيكوا يا احلى فتوكات اخباركم ايه
شوفوا بقى النهارده صحيت من النوم لقيت الميه والنور قاطعين حاجه بجد تزهق
وفضلوا قاطعين لحد الساعه بقت 2 قلت خلاص النهارده هناكل عــــــــــيـــــــــــــــش
فقمت وعملت بطاطس مقمورة وشكشوكه وقطعت شرايح خيار وفلفل اخضر
وجهزت طحينة وجبت جبنة فيتا وجبنة رومى وزيتون اسود وعجوزة وعيش طبعاااا
وكانت اكله حلوة جدااااااااااااااااااا
وادى الصور
اولا البطاطس
بنجيب 2 بطاطس مقشرة ومقطعه مكعبات وبنجيب المقلايه نحط فيها 2 معلقة زيت يسخنوا ونحط البطاطس
ونقطع عليها فص ثوم ورشة ملح وفلفل اسود وشطة ونقلبهم وبعدين نوطى النار ونغطى عليها ونسيبها تستوى
ثانيا الشكشوكة
بنجيب بصلة متوسطة مبشورة
طماطماية صغيرة مقطعة صغير
فلفلاية خضراء مقطعة صغير
ملح وفلفل اسود وشطة
3 بيضات
اولا بنجيب المقلاية نحط فيها معلقتين زيت ونشوح البصل وبعدين نحط الفلفل والطماطم ونرش الملح والفلفل والشطة
ونسيبهم شوية على نار هادية لحد ما الطماطماية تستوى وبعدين نضرب البيض ونضيفة عليهم
وادى الشكل النهائى
لو عجبكوا مدوا ايديكوا علطول متتكسفوش البيت واحد مواضيع هذا القسم برعاية
ربنا يخليلى جوزى واولادى ربنا يخليلى جوزى واولادى 812161_11.gif فتكات رائعة Fatakat 812161 فى قلب زوجى ووسط اولادى حبايبى – مصر