السلام عليكم يأحلى اخوات وأحلى صحبه في الدنيا كلها
ده أول موضوع ليه في الطبخ وقلت انزل بحاجه بسيطه كده عملتها النهارده بس طلعت جامده أوي انا شوفت الطريقه امبارح وعملتها النهارده كانت فتوكه اسمها شيموكوكي جزاها الله كل خير كتبها وهي الفراخ المقرمشه بطريقه بسيطه وسهله أوي وهي عباره عن
فرخه مقطعه الى 8 قطع … شوية لبن بودره … دقيق ذره انا استخدمت الاصفر … بيضتين وشوية لبن حليب … كورن فليكس مطحون خشن
الطريقه ……………. انا عارفه انكم اشطر فتوكات على وجه الارض ودي حاجه انا متأكده منها بس كل الحكايه انها لما عجبت ولادي وجوزي أوي
فرحت وحبيت أشركوا معايا
طبعا بنغسل الفرخه كويس أوي بدقيق وملح وليمون وننغلي ميه فيها بصل وجزر وكرفس ولوري وطمطمه ونضع فيها الفرحه تتسلق حوالي ثلثي سلقه ونطلعها من الشوربه ونرش عليها نصف ملعقه صغيره ملح وربع ملعقه صغيره فلفل وأي بهارات انتي بتحبيها بهارات لحمه أوفراخ وكده يعني وشوية لبن بودره ونرش عليها دقيق ذره وتضعيها في الثلاجه من ساعه لساعه ونصف انا حطيتها ساعه ونصف وقبل ما تطلعيها من الثلاجه على طول تكوني ضربه بيضتين وعليهم شوية لبن وشوية ملح وفلفل وشوية بهارات وتحطي الفراخ في البيض واللبن ومنه على الكورن فليكس المطحون خشن وتضغطي عليه براحه وبحنيه كده عشان يمسك في قطعة الفاخ وتكوني حطه على البوتاجاز زيت غزير يسخن جيدا وتحطي قطع الفراخ تتحمر مع مكرونه وبطاطس محمره ومقرمشه كده تستاهل فمك الجميل مع سلطة طماطم مع صلطة طحينه ………….. وبألف هنا وشفا
يارب تكون عجبتكوا الطريقه البسيطه دي برجاء الدعاء لزوجي وبناتي بالهداية والشفاء وسلام يأحلى وأجمل قمرات 
https://content.sweetim.com/tbsig/sig.asp?img=ad1 مواضيع هذا القسم برعاية
بناتى نور عينى وحياتى بناتى نور عينى وحياتى 578964_1.gif فتكات متميزة Fatakat 578964 بيتنا….فى حضن بناتى – مصر حبيبتى وأم الدنيا