بسم الله الرحمن الرحيم
بصوا بقي انا وجوزي زهقنا من الاكل التقليدي وقررت اخترع اكله عشان احس بالتغيير و
طلعت تحفه بجد ولازم اعملها علي الاقل مرتين في الاسبوع
ههههههه محدش يقولي اكتبي اسمها عشان لسه مسمتهاش ههههه
المقادير :
٢/١ كيلو وراك فراخ مخليه
٤٠٠ جرام مكرونه فرن
٨/١ كيلو جبنه رومي مبشوره
بصله كبيره
فلفل ملون حبه واحده من كل لون (فلفل احمر – فلفل اخضر – فلفل اصفر)
طماطم شيري ( دي موجوده في اي سوبر ماركت مش في السوق وحجمها قد الكريز كده ومسكره)
٤ معالق متوسطه دقيق
كوب لبن
كوب كريمه الطهي ( wipping cream)
توابل : ملح – فلفل اسود- قرفه – بهارات مشكله من عند العطار – زعتز
مكعب واحد ماجي فراخ
سمنه او زيت حسب مانتي بتستعملي بس يفضل سمنه
الطريقه :
بعد ما نغسل الفراخ كويس نتبلها بالتوابل اللي عندنا ونسيبها نص ساعه بعد كده نسلق المكرونه عادي نقطع البصله مكعبات متوسطه ونضربها في الخلاط بتاع الطماطم عشان عاوزينها تبقي عصير بعد كده نحط السمنه او الزيت في الحله والبصل والفراخ ونسيبها تستوي في ميه البصل مانزودهاش اي ميه لاننا عملنا البصل ميه نحمر الدقيق ونحط اللبن والكريمه ونسويهم زي البشامل بالظبط نقطع الفلفل مكعبات صغيره ونحطه علي الصوص بتاعنا اللي هو البشامل بعد ما المكرونه ما اتسلقت نصفيها كويس وناخد من ميه البصل المستوي اللي مستويه فيها الفراخ شويه ونخلطهم علي المكرونه ناخد الفراخ بالشوكه ونحطها علي المكرونه نحط بعد كده باقي المكرونه علي وش الصنيه حطي بعد كده الصوص بتاعك كله علي وش الصنيه وسيبي الصنيه تبرد ١٤ ساعه بعد ما بردت رشي الجبنه الرومي علي الوش ومعاها الزعتر ولعي البوتجاز وحطي الصنيه في الشوايه عشان الوش يتحمر وسيبها خمس دقايق بس ماتسيبهاش تنشف ولا الجبنه الرومي تنشف منك لانها سريعه في النشفان اغرفيها بعد كده في اطباق وزوقي الطبق من الجنب بالطماطم الشيري حطيها سليمه مش تقطعيها هي الحبه قد الكريزه والف هنا يا فتوكات وطمنوني علي اختراعييييييييييي مستنيه الرد مواضيع هذا القسم برعاية
banota_jamila_85 banota_jamila_85 فتكات متميزة Fatakat 589190 egypt – cairo