فتوكاتى بعد معملتلكم الجمبرى والبيتزا وكفته البطاطس قلت اعملكم فرررررررررررراخ مشويه بطريقه تحفه
الطريقه:ـ
نغسل الفراخ بعد ما نقطعهاجيدا بالدقيق وبعدين ننقعها فى ليمون وخل وملح وماء لحد ماتبقى فله
نجهزبقى التتبيله وهى عباره عن بصل مبشور ندبله شويه على النار بشويه زيت وبعدين نضفله فلفل الوان وممكن قرن حار برده ندبله وبعدين نضيف البهارات الجميله المطحونه بالبيت من كمون وكسبره وفلفل اسمر وابيض وجنزبيل وشطه وممكن بهارات فراخ وعصير ليمونتين و3 معالق خل وملح بس مش كتير لان الفرخه كنا نقعنها فى ملح وحبهان وورقه لورى وومكن نضيف شبت وكسبره خلاص ونخلط كله مع بعضه ونشيل نصف التتبيله ديه ليه هنقول بعد شويه والنصف التانى نحشى بين الجلد واللحم بتاع الفرخه
ونحط الفرخه فى الصينيه لا استنى هنجيب 2حبه طماطم او اكتر حسب العدد و2حبه بطاطس ونقطعهم مكعبات ونحطهم فى ارضيه الصينيه وفاكرين التتبيله اللى شيلناها ولا رمتوها قصدى نستوها نضيفها ليهم وبعدين نرص الفراخ خلاص خلويص وممكن نتبل الفراخ من بالليل وعدل على التلاجه
الطهى:ـ
نحط الصينيه على البوتجاز من فوق ونضيف كوب ماء لضمان سوى الفرخه بس لازم نغطى الصينيه بغطاء وممكن ورق فويل وبعد ماتستوى عدل على الشوايه وممكن تسخنى حته فحم وبعد ماالصينيه تحمر تحطى الفحم وتخدى من الصوص بتاع الفرخه وتحطى على الفحم هتعمل حريقه قصدى دخان نغطى الصينيه لحظات علشان الفرخه تاخد نكهه الفحم والله الطريقه دى تحفه ومقولش على طعم الطماطم والبطاطس اللى فى ارضيه الصينيه جنااااااااااااان
انا كده خلويص ومخلتش فى نفسكم حاجه الدور عليكم لازم التقييم وخلوا بالكم من لازم والاودعوه حلوه فى الايام دى بان ربنا يرزقنى ذريه صالحه مواضيع هذا القسم برعاية
قريبا ماما قريبا ماما 282049_6.gif فتكات رائعة Fatakat 282049 فى بلاد الله الواسعة – مصر
سبحان الله و بحمده