اللهم صلى وسلم على سيدنا محمد
عليه افضل الصلاة والسلام
ازيكم يا فتوكاتى دى تانى تجربة لية فى المطبخ وطبقت وصفة الفتوكة الغالية اوى
الداعيه ربها ماشاء الله عليها استاذة فى كل حاجة عملت الكبدة بالفلفل الاخضر وطلعت ماشاء الله
جميلة اوى وعجبت ماما اوى وكمان حبيتها لانها بيتى يعنى بتكون احسن من اللى بنشتريها جاهزة متعرفيش
معمولة ازاى وحاجتك اكيد بتكون انضف من اللى بتلاقيها برا
يالا نبدا بسم الله
دى الكبدة بتاعتى طلعتها من الفريز وسيبتها تفك براحتها وقطعتها حتت صغنتته
نيجى للتتبيلة
عملت زى مهيا عملت بالظبط
(ثوم + فلفل اخضر حار +عصير ليمون+كمون)فرمتهم فرم ناعم مع بعض
نتبل الكبدة ونسيبها عالاقل نص ساعه انا سيبتها ساعه
نيجى للتسوية
قطعت بصل وفلفل اخضر شرائح
سخنت الزيت اوى
هنا حطيت الكبدة وعملت ( تششششش) ههههههههه بس انا قلبتها شوية
وهنا قلبت لحد ما لونها اتغير وبعدين رشيت شوية فلفل اسود
هنا حطيت شرائح البصل وقلبت
هنا البصل دبل
حطيت شرائح الفلفل الاخضر
ونفضل نقلب وبعدين نغطى عليه عشان تنزل ميتها وتستوى وقبل ماتستوى نحط الملح
وادى شكلها بعد ما استوت
زووووووووووووووووووم بقى
ممكن تاكليها بعيش او سندوتشات
وهنا زوووووووووووووووووم
والصنية دى لاول واحدة هتقيم
يارب يكون موضوعى عاجبكم وقدرت انفذ وصفة الداعية ربها ربنا يجازيها خير
عاوزة الردود تنزل عليا زى المطرة والتقيم تقديرا للمجهود
مواضيع هذا القسم برعاية
ســاجــدة للـــــــــه ســاجــدة للـــــــــه 796454_1.gif فتكات هايلة Fatakat 796454 الجيزة – مصر