ازيكم يا احلى فتوكاااااااااااااااااااااااااااااااات
النهارده هقولكم على تطبيقى لفطيرة عش البلبل لأم براء وفريدة
بجد تحفففففففففففففففة ما شاء الله
تسلم ايديكى يا ام براء
وده لينك الموضوع فيه الطريقة
فطيرة عش البلبل وخبز الطاوة من ام براء بحبكم فى الله
https://fatakat.univanet.com/#3144282
وانا عملتها زى ام براء بالظبط
وعملت فطاير تانية ببقية العجينة بحشوات مختلفة
ياللا نبدأ بسم الله
دى صورة فطيرة عش البلبل
هاااااااااااا ايه رايكم يا فتوكات
هقولكم على المقادير
تلات كوب دقيق
كوب زبادى
نص كوب حليب
معلقه خميره
معلقه سكر
رشه ملح
معلقتين زيت
الطريقة
1- حطيت الدقيق مع الخميرة والسكر والملح والزيت وقلبتهم كويس
2- ضفت الزبادى وبعدين اللبن ويتعجن كويس جدا
3- سبتها تخمر فى مكان دافى ومتغطية
4- وبعدين لما خمرت بدات آخد من العجينة واعمل فطاير
عملت منها الحادق والحلو
اولا الحلو
فطيرة عش البلبل
بفرد جزء من العجينة وحطيت عليها لبنة وموزريلا
الفرن بيكون سخن على درجة 200 ولما تستوى واطلعها من الفرن احط عليها معلقتين عسل كبيرة
فطيرة بخلطة التفاح والقرفة
قشرت التفاح وقطعته مكعبات صغيرة وحطيته مع مياه مش كتير وسكر وقرفة وعصرة ليمون
وحطيتهم على النار لغاية ما التفاح يطرى والمياه تنشف
وبعدين ضفت الحشوة على العجينة المفرودة فى الصينية
وممكن ترشوا عليها جبنة موزريلا او لا براحتكم
وده شكلها لما استوت والريحة كانت قالبة البيت
ثانيا الحادق
فطيرة بالبسطرمة والجبنة الموزريلا
فطيرة باللبنة والجبنة الرومى ورشيت عليها سماق
وهنا لما قطعتهم ورصيتهم فى الطبق
اتمنى يكون الموضوع عجبكم
وبكرر شكرى لأم براء تسلم ايديكى يا قمر
وما تنسونيش من دعواتكم الحلوة
اشوفكم على خير إن شاء الله مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل