السلام عليكم ورحمة الله وبركاته
صباح الخير يا فتوكات اخباركم ايه
عملت تشيكن رول وطلع جميل اوي فقلت اقولكم عليه
نبدأ باسم الله
اول حاجة تبلت فراخ بانيه عادي جدا ودي طريقتي في التتبيل
نصف كيلو فراخ بانيه ، بصلة مبشورة ، ليمونة ، ملح وفلفل وكمون وزعتر وكاري واحيانا بضيف روزماري
ونضيف المكونات على بعض ونحط عليهم الفراخ ونتبلها كويس وبعدين بحط عليهم بيضة واقلبها معاهم
ودي صورة الفراخ المتبلة
بعد كدة هنعمل خلطة الحشو ودي عبارة عن جبنة بيضاء وجبنة رومي وفلفل اخضر مكعبات وطماطم مكعبات
ونخلطهم مع بعض
ونبدأ نحشي الفراخ ونلفها كويس
دي بعد ما خلصت الكمية كلها وبعدين خلطت دقيق على بقسماط وتبلت فيه رولات الفراخ بس انا جبانة شوية خفت تفتح مني فقفلتها بخلات الاسنان
ودخلتها الفريزر ربع ساعة تقريبا وبعدين حمرتها في زيت غزير وسخن ،، وكان في كام واحدة معرفتش احشيهم حمرتهم كانه بانيه عادي
شكلها رااااائع ودي كمان من جوة
وفاض مني شوية خلطة من الحشو فعملت بيهم كريب بس معلش مصورتوش بالتفصيل
طريقة الكريب معروفة كوباية دقيق وكوباية لبن وبيضة وملح وفلفل ونخلطهم كويس وناخد منهم شوية شوية ونحمرهم في طاسة تيفال سخنة جدا
وبعدين نحشيهم ونلفهم رول وندخلهم الفرن شوية
دي صورة وانا بحشي الكريب
[/IMG]
كدة الحمد لله انا خلصت
مستنية رأيكم وان شاء الله يعجبكم
شجعوني بقى عشان انا لسة جديدة في المدونة
مواضيع هذا القسم برعاية
أم (( طماطم )) أم (( طماطم )) فتكات نشيطة Fatakat 1129434 المنصورة – مصر