مساء الفل عليكو يا فتوكاتي النهارة جيبالكو صنف
لولادكم علشان ميكلوش بره يلا وممكن تاكلوا معاهم
طريقة التحضير
هاتي صدور فراخ مخلية سليمة قطعيها صوابع بالطول و بعدين قطعي الصوابع قطع متوسطة وبعدين حطيها في التتبيلة اللي هيا
التتبيلة
ملح-فلفل-شطة-قرفة-جنزبيل-بصل بودر-توم بودر-بيضة-ليمون-خل
وسبيها في التتبيلة لحد ما تاخد الطعم
…وبعدين جهزي دقيق عليه جنزبيل و شوية قرفة و ملح و بصل بودر و توم بودر وقلبيهم و خدي من الفراخ و حطي في الدقيق و اسقطي في الزيت الغزير
وخدي بالك قلبيها بسرعة و خلي لونها دهبي و متسبيهاش علي مناديل المطبخ عشان متشربش الزيت تاني
طريقة عمل الارز
هاتي رز بسمتي اللي لونه اصفر متجبيش الابيض اغسليه و صفيه وحطي السمنة في الحلة و معلقة كركم علي السمنة السخنة و قلبيها تقليبة واحدة
وبعدين حطي الرز شوحيه علي النار شوية وحطي عليه الشوربة الساخنة
طبعا هنحط شوربة كتير شوية عن الرز البلدي لانه بيحتاج شوربة اكتر
بعد ما يتشرب هي النار وحطي غطاء محكم جدا عشان يستوي علي البخار
طريقة عمل الصوص
هتجيبي حلة صغيرة و حطي فيها طماطم مضروبة في الخلاط بدون قشر و بذر و تحطي عليها ملح و شوية سكر و شوية خل و معلقة صلصة و ربع معلقة دقيق مذابة في ميه
ودي مقادير لكوب طماطم واحد مسبكة
ومهم جدا شطة سبايسي بعدها تسيبيه يغلي و هتلاحظي ان ليها سمك بسيط و ده هو المطلوب
طريقة التقديم
هتعملي لكل واحد طبقه هتغرفي الرز و تحطي فوقيه الصوص ونرص البوب كورن بدوران الطبق حول الرز
ولو عايزاها للاطفال شيلي الشطة
و بالهنا و الشفا ليكو و لاولادكم مواضيع هذا القسم برعاية
مدام باكي مدام باكي فتكات جديدة Fatakat 916552 القاهرة – مصر