ازيكم يا قمرات
عملين ايه
طبعا كل وحدة رفعالي حجبها و مستغربة ازاي رجيم+رياضة= متعة
دي المعدلة المستحيلة فاللي بنشوفو
بس تصدقو بقى اني لقيت شوية حجات مخلياني ضمنة اني هكمل الطريق من غير ما ازوغ زي كل مرة لاني زهقت بجد كل شوية امشي على اكل و رياضة اسيبهم
مع اني كنت حطة للابتوب خلفيات بتتغير فيها عبارات مشجعة و كده و كنت بتخيل لما اخس هقدر اجيب ايه البسو و كده
بس مفيش كنت ابقى متحمسة فترة و اسيب
لان الاكل نفسه من كتر ما مش وخدة حريتي اوي جالي اكتئاب و الرياضة بحس انها بتوجعلي جسمي اووووي
بس لقيت حلول يارب تخليني اكمل المشوار و انتو كمان
هقولكم حاجة قبل ما اقول ايه التريكات
اولا ابعدي تماما عن اي رجيم بيحددلك كل وجبة لان ده بجد ابشع حاجة اولا لان بيبقى اكل محدد اوي اوي اوي و غير كده لوسبتي نظام الاكل ده بعد ما تخسي هتردعي اكتر من الاول و طبعا من المستحيلات تكملي حياتك زر و سلطة و فراخ مسلوقة ده الواحد ينتحر بصراحة انا مقدرش على كده ابدا
لان اجمل حاجة فحياتي 3 النوم و الاكل و الهزار
و احسن رجيم بصراحة بتاع اللقيمات
لامهم مش بيحددلك الوجبة فيها ايه
هو بس بيحدد كمية الاكل و عدد الوجبات و الفترة بين كل وجبة و ممنوع مقليات
بس انا بقى مزودة من عندي ممنوع مشروبات غازية و ممنوع قشطة قراقيش و اكل دسم زي كده
نيجي بقى للتريكات
اولا كده الواحد بيحس شوية انو عادي شوية لما بيعمل رجيم او حاسس انو متضايق
انا بقى لقيت حاجة حلوة هتخليكي ماشية فالاكل مظبطة
البدايل
بجد اجمل حاجة لما تقعدي تدوري على النت على بدايل لاكل بتحبيه اوي
يعني مثلا عندك الايسكريم
هو عموما الايسكريم صحي بس احنا عايزين بدايل صحية اكتر فتترة التخسيس و لما نخس ناكل اللي مش بدايل عادي
بدل الايسكريم تجيبي زبادي اكتيفيا لايت مثلا تضربيه شوية و تضربي فخلاط مثلا كريز و تحطي الاتنين على بعد و تقلبيهم و تحطيهم فالفريزر
بتبقى حاجة تجنن اساسا و طعمها جميل جدا و صحية جدا و السعرات و الدهون اقل كتييييييير
و مثلا لو الايسكريم ستيك
تجيبي قوالب الايسكريم و تجيبي فخلاط تضربي كريز و توت و عنب احمر و تصبيه فالقوالب مش حهكيلك طبعا على الطعم ولا اللون لوحده
و برضو صحي جدا و سعراته اقل من الايسكريم ستيك بتاع برة و بتاع برة كله ملونات و مواد حافظة و كده
معلش يا بناتين قلبتلكم الموضوع كريز و توت و كله موف بس انا بعشق النوع ده من الفاكهة و كل وحدة زي ما تحب طبعا
نيجي بقى مثلا انتي بتحبي الحجات المقرمشة فبتاكلي شبسي
تقومي زي الشطرة عملة ايه
تجيبي جزراية و تقطعيها شرايح رفيعة و تحطيها على صنية و تدهنيها زيت بس مش تغرقيها و دخليها الفرن تتحمص
لا تزودلها ملح ولا اي حاجة هي غالبا هتبقى طعمها حلو زي ما هي
طب لو بتحبي الشوكلاتة
بس البديل ده متكتريش منه اوي لانها فالاخر شوكلاتة
تعملي ايه
بدل الشوكلاتة بالحليب تجيبي شوكلاتة غامقة
اولا مفيييييييدة جدا للقلب و بتعالج الكلويسترول
و دهونها اقل كتير و مفيهاش لبن فده مساعد فتقليل الدهون
و غير كده الشوكلاتة بالمعقول بتخسس لكن لو كترتي هتتخني
و بالنسبة للفطار اهم وجبة ياللي منك ليها شيفاكي بتفوتيها قال هتساعدك تخسي لو فوتيها فتوي يوم رجيم ماشي
بصو بقى فيه سيريالس بتتباع زي الكون فليكس و كده بس ايه بقى
اولا ابعدو خااااااااااااااااااالص عن الحجات بتاعت الرجيم دي مضرة جدااااااا كلها كيماويات
لا انتي تشتري اللي مكتوب عليها حبوب قمح كاملة و فيها فيتامينات و بصي في جدول القيم الغذائية على السعرات جيبي اقل وحدة سعراتها و اكيد الدهون كمان
وفيه اختراع شفته على موقع اجنبي بس شكله لسة موصلش عندنا لاني مش لقياه
هو عبارة عن بديل لزبدة الفول السوداني
البديل بقى عبارة عن زبدة اللوز بالعسل
انا بحب العسل و اللوز بصراحة فحسة ان طعمها هيبقى حلو اوي بس للاسف مش عرفة القيها
طيب لو بتحبي تشربي المشروبات دافية بلبن
البديل ده ممكن ميعجبش كلو لان فيه ناس مبتقش الجنزبيل
بس بجد حلو اوي لو تقدري تكليه
تجيبي شوية جنزبيل طازة صغنين اوي و تغليهم مع لبن منزوع الدسم و تحليه بعسل ابيض بيبقى طعمه جميل اوي و سكريات اقل و الجنزبيل بيساعد فحرق الدهون
و ممكن نفس الحاجة بس بدل الجنزبيل قرفة
و هكذا يا بناتيت انا بس جبتلكم اللي انا كنت بدور عليه لنفسي اكتر و كل وحدة تتنفنن و تدور على النت هتلاقي حجات كتير بس الاكتر فالمواقع الاجنبية فالمواقع العربي ملقتش حجات كتير كده
طب بالنسبة للرياضة
بصي بقى يا ستي
دي عيزة جو حلو عشان تبقى متشجعة
يعني تنزلي تجيبي لنفسك ترينيج حلو كده
و برا رياضية
و كوتشي (بس انا كان عندي كوتشي ابيض بيقى اسود و مش عايز ينضف فبلبسه لما بعمل رياضة و مش بخرج بيه
و تحطي اللابتوب اول الكميوتر قدامهم مكان واسع
و تكون الشمس دخلاله حلو بس الله يكرمك الازاز يتقفل و تقفلي الستارة النص شفافة عشان مش هنفرج الجيران علينا
حكاية ان الشمس هي اللي تبقى مصدر الضوء فالاوضة بيديك طاقة حلوة جدا
و ابوس ضوافر ايدك بلااااااش موسيقى مع الايروبكس او اي حاجة عشان ربنا يكرمك و تخسي
خلاص يا حبايبي انا مكتبتش الموضوع غير عشان افيدكم انتو زي اخواتي
ادعولي بقى اخس بصحة و اكمل
و التقيم لو الموضوع عجبك
يارب كلنا نخس بصحة و سلامة يارب
و اي خدمة انا موجودة يا فتوكات
فتوكة معاكم فتوكة معاكم 512880_6.gif ممنوعة من المشاركة Fatakat 512880 ————— – ————-