لا حقيقى الموضوع ده وحشنى فعلااا و يمكن انا كنت مستنية التخفيضات اكتر منكم عشان اعمله
اللى اول مره يبقى معانا الموضوع هنا مهتم بالتخفيضات فى أشهر المحلات عشان تجيبوا البس بأحسن الاسعار و افضل الماركات كمان من غير ما حد يضحك عليكم
التوبيك بنتكلم فيه عن كل حاجة عن الموضة و اللبس و الميك اب و الديكور للعروسات و كمان مجانين الشوبنج اللى زيى كده
الموضوع كله مجهود شخصى منى لكل البنات كمساعدة بسيطة انى افرحهم و اشوفهم و هما مبسوطين باللى بيشتروه و عمالين يدعولى كده ليل و نهار
طبعا موسم التخفيضات لسه بيقول يا هااادى احنا قدامنا فى التخفيضات ديه لحد شهر 3 باذن الله يعنى محدش يستعجل و لا تقول يلااا بقى و خلاص احنا كلنا اتعلمنا الصبرر خلااااااص
على فكره برضه انا فيه محلات بتبقى عاملة سيل اه لكنى هتعمد اذكر عيوبها حتى لو رأيى ده معجبش ناس كتيير لانى مش هستفيد اى شىء الصراحة لو قلتلكم اه فيه تخفيضات بس الحاجة مش حلووة
تانى حاجة انا مش متابعة تخفيضات فى اى محل مصرى و لا التخفيضات فى روكسى او وسط البلد مثلا .. انا بس متابعة المحلات العالمية فى المولات فقط لان ديه اللى قريبه منى و حفظاها كوويس جداااا بقاالى سنييييين
أخيرا بقى اللى هتقولى انا نزلت اشتريت حاجة من غير تقرير مصور تفصيلى هعضها احنا هنا كلنا بنشارك بعض عشان حتى اللى مش قادرة تنزل او تشترى تحس انها عايشة معانا و بتفرح معانا
ملحوظة : انا يمكن ببقى مشغولة اوقات كتيير بس ده ميمنعش انى بحاول ارد و ببقى متابعة كل واحدة و مركزه معاها على قد ما اقدر بجانب مسؤلياتى
ندخل فى الكلام المهم بقى ابتداء من امبارح اغلبية المحلات ابيتدت تخفيضات 30% .. البوست اللى جاى هقولكم المحلات و تشتروا ايه و تسيبوا ايه بالتفصييييل كالعاادة
طبعااا زى ما انتوا عارفين الموضوع متجدد عالطووول باخر الاخبار و لو انا مكتبتش الاخبار بقية البنات بيقوموا بالواجب و هيبقى فيه كذا بنت ان شاء الله المره ديه هبقى ببلغهم باخر الاخبار لو انا مش هقدر ادخل عشان يبلغوها ليكم
meshmesha123 meshmesha123 فتكات ست الكل Fatakat 212469 مدينة نصر – Egypt