أخواتى وصديقاتى وحبيباتى فى مدونة فتكات وفى قسم صحة المراة والاستشارات
بالنيابة عن كل طاقم ادارة قسم صحة المرأة
احنا بنحذر من اى عضوة تزعم انها دكتورة وتبعتلك على الخاص وتقولك انها عايزة تساعدك وتبعتلك اميلها وانتى تقبلى
وفى الاخر تكتشفى انها مش دكتورة او انها راجل او ست ومش كويسة وكلامها مفتوح ومش محترم
لان منطقيا كدة…لو هى دكتورة مش هتبعتلك على الخاص انتى وكذا عضوة عشان تعرض خدماتها
على الاقل هتبعت لينا احنا الادارة عشان نثبت مواضيعها ونتأكد منها او تعمل مواضيع هنا تثبت انها دكتورة وتعرض خدماتها على الكل مش على الخاص
لان فية عضوات دكاترة محترمات وواضحات وبيعلنو على العام واحنا بنكلمهم على الخاص وبتقوم همسة مشرفة القسم بالتأكد منها
لكن الفترة الاخيرة دى جالى كم رسايل كتير على الخاص من عضوات هنا بتستغيث بالرسايل اللى بتجلهم على الخاص من عضوة وانا حاسة انها عضوة فقط وعاملة كذا عضوية بكذا اسم بتقول فيها انها دكتورة وبتدى اميلها للبنات هنا عشان تساعدهم
وطبعا حبايب قلبى هنا المشتاقات او الحوامل بيتعلقو بأى شئ
بس لما لقيت الموضوع ذاد ويوميا بيجيلى رسايل على الخاص بالاغاثة دى من عضوات منهم اللى قبل الاضافة ولقو الكلام غريب او ميدلش على شخصية دكتورة
ومنهم اللى لم يقبلو وعرفونى فى البداية وطبعا نصحتهم بالرفض
فقلت لازم اعمل الموضوع دة عشان احزركم
ومش معنى كدة ان كل الناس وحشة او ان مفيش دكاترة هنا معنا لا طبعا فية ناس كويسة واحنا متأكدين من شخصيتهم
فأرجوكم بالله عليكم لان راحتكم وامانتكم امانة فى ايدينا
لا تقبلى اى حد ولا تتكلمي مع اى حد ممكن تشكى فيه الا اذا اخبرتينا او أتأكدي منه
يارب اكون افدتكم
تحياتى
الادارة
مدام_سمسمة مدام_سمسمة 187760_22.gif برنسيسة فتكات Fatakat 187760 كنت عايشة فى قلب أمي نبض حياتي ( بورسعيــــــــــد ) – رجعت تاااانى مع زوجي وبنوتاتي روح قلبي ( الكويــــــــــــــــــــــت)