انا كنت فى مصر من اسبوع واحد ولقيت الجوافه كتيره اوى كل شويه تعدى عربيه بتبيعها وماليه كل الاسواق وانا بقالى كتير او ى يمكن 6سنين ماكلتش منها عشان متعقده منها من زمان وكانت رخيصه جدا التلاته كيلو بخمسه جنيه نفسى راحت لها قلت لماما تجيبلى وفعلا جابت 3كيلو بس بعشره جنيه قالتلى عشان تبقى انضف
وكان جامده جدا وشكلها حلوه اوى وسليمه ونضيفه وزى الفل من بره لدرجه كان فيها واحدت خضرا شويه لسه
وعشان انا متعقده منها من كذا سنه قلت برضه مش هاكلها غير لما اشوفها كويس رحت جبت الكشاف وفتحتها وفضلت ابص يجيى خمس دقايق والله يابنات منظر يقرف فى دود صغير جدا جدا جدا جدا وليه راس عباره عن نقطه سوده تتشاف بالعافيه يعنى تقريبا محتاجه تركيز جامد اوى
اتقرفت جدا وماما واختى فضلوا يرجعوا لانهم كانوا اكلوا اتنين منها ما هى شكلها من بره ومن جوه نضيفه وطعمها حلو
عشان اصبر ماما قلتلها اكيد مش كلها كده قالتلى طب افتحى تانى وشوفى فتحت ال3كيلو مفيش واحده فيهم مش مدوده والله العظيم دود رفيع وصغير اوى اوى وفى الغالب بيكون فى الجوافيه من تحت بين اللحم بتاعها والقلب فى المنطقه الرفيعه من الجوافه دى اللى فيها اكتر ومش واحده ولا اتنين لاء كتير واختى ماكانتش شايفه غير لما كنت بقلها بصى كويس على النقط السوده الصغيره اوى دى لقتها فعلا بتتتحرك
فخلى بالكم يابنات وربنا ينتقم من الفلاحين اللى بيملوا الارض كيماويات لما جالنا كل الامراض ومش عاوزه اقولكم كمان ان المانجه والله العظيم بقالها كذا سنه كده برضه مدوده دود صغير او ى ما يتشافش ومره جبتها من ع الشجره والله وكانت برضه مدوده
حسبى الله ونعم الوكيل فى اللى بيجبولنا االكيماويات دى
وما تزعلوش منى يابنات اان بقيت كل لما اكلم حد فى مصر او قرايبنا اقولهم اوعو تاكلوا فاكهه كلها قرف واكيد البلاوى دى بتعمل فشل كلوى وتجيب سرطانات لينا ولولادنا
وربنا شاهد عليا وعلى كلامى وانى والله بقول اللى شوفته بعينى وعن تجربه كذا مره مش مره واحده
والله يابنات ما قصدى اقرف حد بس والله العظيم انا بقول عشان الامانه وعشان ولادنا بس ربنا يعفينا يارب ووالله العظيم اتن ابحكى اللى حصل معايا ما بنقل عن حد ولا بقول كلام وخلاص
hana samir hana samir سوبر فتكات Fatakat 289156 دبي – الامارات