من اكبر الاخطاء اللي بنقع فيها اتباعنا لانظمة التخسيس او التسمين قبل ما نعمل
تحليل الغده الدرقيه وتحليل السكر,,عافانا الله,,
لو بتخسي بدون توقف مع عدم حرمانك من الاكل
ولو بتتخني مع عمل وصفات الريجيم واتباع الانظمه الاغذائيه يبقي لازم تروحي لاقرب دكتور تحاليل
وتعملي تحليل الغده الدرقيه وتحليل سكر فاقرب وقت
هانبتدي الاول باعراض الغده الدرقيه
نزول الجسم بصوره ملحوظه عند البعض والبعض الاخر تظهر عليهم اعراض السمنه
ارتفاع درجة حرارة الجلد وزيادة العرق وزيادة في صبغات القدم واليدين
سقوط الشعر وتكسيره
نمو الاظافر بسرعه مع زيادة افراز الاوساخ بداخلها
سرعة النبض وزيادة الارهاق
الام في الصدر وذبذبه في الاذنين
ضعف الدوره الشهريه
تبريق العينين
نوبات صداع شديده وعدم القدره علي النوم احيانا
اعراض مرض السكر
ويتاخر احيانا علامات ظهوره لاكثر من 8 اعوام
نزول الجسم بصوره ملحوظه والبعض الاخر تظهر عليهم علامات السمنه
كثرة التبول
ضعف النظر وتشويش في رؤيه العين
بطئ في التثام الجروح والجروح المتكرره
الام محرقه في الارجل
تنميل في اليد والقدم
ودي كانت اعراض الغده الدرقيه واعراض السكر والمفروض يكون كلنا عندنا علم بيها
وانا افتكر واحده حكيت قصتها قبل كده
بتقول انها كانت سمينه جداااااااا لدرجه كانت بتالمها من نظرات الناس ليها
اتبعت كل الانظمه الغذائيه ووصفات الريجيم
وجربت ادوية التخسيس وكلها فشلت!
فقررت انها لازم تنجح فكليتها وتكون حاجه كبيره في البلد عشان تعوض النقصان اللي عندها
وفعلا نجحت جدا فكليتها واتخرجت واشتغلت ففندق كبييير جدا ولقيت نظرات كتيره بالشفقه من معظم زملاءها
والناس اللي ببتعمل معاهم ومن كتر اعجابهم بيها وبناشطها وذكاءها كانوا دايما يقولولها انتي ليه سايبه نفسك كده؟
لغاية ما جاتلها بعثه في الخارج
وراحت عشان تعمل الكشف الطبي,,واذا بالمفاجاه
الدكتوره طلبت منها عمل تحاليل عشان تطمن علي هرموناتها اذا كانت سليمه
وعملت التحاليل
وسبحان الله بعد عناء طويل
الدكتوره اكتشفت ان نسبة الحرق عندها معدومه تماما
وانها بتخزن اي سعره حراريه تدخل جسمها..وان السمنه المفرطه اللي عندها نتيجة دهون سنين عمرها كلها
عشان كده المفروض لازم نعمل تحاليل للاطمئنان علي صحتنا قبل ما نعمل اي حاجه
مش هاتعود علينا بفايده,,بالعكس ممكن تعود علينا بالضرر
يارب يكون موضوعي افدكم
ونسال الله الصحه والعافيه
youmna12 youmna12 فتكات رائعة Fatakat 451829 القاهره – مصر