السلام عليكم يا احلى فتوكات
انا لسة مشاركة جديدة ومن ساعة ما نزلت الشغل يعنى كدة من حوالى 8 سنين وانا قاعدة اعمل سيرش على النت على منتجات العناية بالشعر والجسم لحد ما بقيت زى ما تقولوا كدة احسن من اى دكتور واللة بقيت فى شغلى اى واحدة عنها مشاكل مع شعرها او بشرتها تيجى تقولى وانا اوصفلها تعمل اية بحكم انى تقريبا جربت كل انواع الزيوت والكريمات اللى فى السوق واللة على ما اقول شهيد ( مفيش زيت ولا كريم مجربتوش كل ما تتخيلوة جربتة )
الخلاصة
انا قبل ما اتجوز كنت جامدة مووووت كنت رفيعة طولى 165 ووزنى 57 وشعرى دة كان يهبل طويل وناعم وتقلة كويس ووالله كنت بيضة موووووووووووووت كانت كل الناس بيحسدونى على بياضى ( والسر سهل موووووووووووت ) واللة ناس كانت بتقولى انى شكل هيفا بس على قصير ولاكن واة من لاكن بعد الحمل والولادة شعرى وقع بالهبل واطريت انى اقصة كارية بعد ماكان لنهاية ظهرى وخف لدرجة ان جوزى كان بيقولى شوية وتقرعى بس دلوقتى الحمد للة اتعدل شويتين وطول وثقل شوية ( وهااقولكم ازاى واللة شعركم هايتقل شوية بس هايطول جامد واللة ودة فى مدة شهر واحد بسسسسسسسسسس يعنى لو كملنا ها يبقى جامد )
انا دلوقتى لسة نازالة الشغل تانى بعد مااخذت اجازة رعاية الطفل بس بقى نازالة اية وزنى زايد 75 ومسمرة من المصيف ونفسى حد يشجعنى ونعمل مع بعض دايت انا رحت لدكتور وادانى دايت وكبسولات بس كل شوية الخبط وكمان نهتم بشعرنا علشان يطول ويتقل ونعمل مع بعض ماسكات للتبيض وكل دة بحاجات طبيعية وندخل كل اسبوع نقول يوميتنا وخسينا اد اية والتساقط قل والبشرة اتعدلت وكدة يعنى يلا نشجع بعض يا جماعة علشان بعد نقول كدة 6 شهور نبقى احلى من هيفا ونانسى كمان ( بياض -شعر يهبل – واهم حاجة الرفع )
بصوا بقى انا هادخل بكرة اكتب الحاجات اللى كنت بعتمد عليها قبل كدة علشان نبدا باذن اللة من يوم الجمعة الجاى او ابدا انا لوحدى وخلاص
mmm2016 mmm2016 فتكات نشيطة Fatakat 299272 القاهرة – مصر