السلام عليكم ورحمة الله
انا من زمااااان متابعه مع المدونة بس ولا مره شاركت بموضوع ,,
حبيت اشارك معاكو تجربتي في الحقن المجهري ونشجع بعض..ونحكي الخطوات اللي بنمر بيها ,,والتغيرات اللي بنحس بيها
وان شاء الله ربنا يكرمنا كلنا بالحمل السليم المعافى ,,,وتكون اخرة الصبر الحمل والشعور بالامومه……..
الاساس من الموضوع ده اني انا دي تلت محاوله للحقن المجهري ليا ,,,,,ولا مره كان فيه حد عندو اي فكره على الموضوع
لان انا وجوزي من اول ما تجوزنا سافرنا للدراسه ,,,بقالنا خمس سنين من غير ولا مره حمل …….طبعا الاهل والاقارب
لما يسالو عن الحمل بتكون الاجابه ,,,لا لسه متفقين على التاجيل بسبب الدراسه وخلاص ,,,,,,وبصراحه الموضوع ده بيحسسني بالعصبيه عشان التدخل من الاخرين…..
فاتفقت انا وجوزي مافيش حد هيعرف بالموضوع ده……
طبعا مش عايزه اقولوكو على الشعور اللي كنت بحس بيه في المرتين اللي فاتو من الحقن المجهري ….من غير ما اتكلم مع اي حد على اي حاجه في الموضوع ,,,,لا اهلي ولا اصحابي ولا ايييييييي حد……….
فحسيت في المره دي لازم يكون معايا حد يشجعني وافضفض من الاخر على كل التفاااااااااااااصيل …….وان شاء الله ربنا يكرمنا قريبا اجمعين……
احنا حالتنا ببساطه غير معروفه……من خمس سنين ولا مره حصل حمل ,,,,هرموناتي ككويسه والحمد لله والدوره منتظمه عملت اشعة الصبغه والحمد لله كويسه ,,,,,ومنظار رحمي برضو ……..ومن ناحية زوجي الحمد لله برضو مافيش عندو مشكله بالعدد والسرعه والشكل,,,,,بس ربنا ما ارادش الي الان ….طبعا مرينا بثلاث محاولات تلقيح صناعي من غير نتيجه برضو ………..
بس فياريت نتشارك مع بعض التجارب والخبرات هههههههههههه
عموما انا امبارح 15_ديسمبر 2024 كان ثاني يوم في الدوره رحت بعد ما استخرت لمستشفى ادم وعملت التحاليل اللازمه وعشان انا كان المفروض ادخل على اللجنه الطبيه ثالث يوم ,,,,وطبعا ثالث يوم الجمعه فدخلت امبارح للدكتوره مها الشاهد وما شاء الله ممتازه وذووووووووووووق جدا ……وقالتلي ان التحاليل كلها كويسه وبدات في الحقن في الصبح وبالليل كل 12 ساعه فوستيمون ومريونال,,,,,,,,,,,
وتوكلت على الله وبدات
على فكره انا المتين اللي فاتو كانو يكتبولي الكورس الطويل ولانو ما مشيش كويس المره دي غيرنا على القصير,,,,,
المتين اللي فاتو كانو في المركز المصري لاطفال الانابيب وكان زبااااااااااااله……..وهانتكلم عليه مره ثانيه ……
منتظره مشاركاتكو……..
جمعه مباركه
ف*روحي ف*روحي فتكات نشيطة Fatakat 532981 القاهره – نصر