ذي ماأنا كاتبة في العنوان هقولكم علي تجربتي مع مناديل التواليت الي قد ايه هي بضر واحنا مش
عارفين أنا بحب دايما اهتم بنظافة المناطق الحساسة فكنت قبل الجواز بستعمل بعد التشطيف فوط صحية قطن كنت بمسح بيها ومكنش في اي مشاكل منها مشكلتها اني لازم اغيرها كل شوية واغسلها جيت بعد الجواز قلت انا ايه الي يخليني افضل اغسل مانا استخدم المناديل احسن من اني كل شوية افضل اغسل وفضلت استعلها سنة جيت بقي حملت وانا في اول الشهر الرابع توقف نبض الجنين وعملت عملية كحت ونزل فكنت بتابع بعد الاجهاض مع الدكتورة وكانت العملية كويسة ومفيش اي مشاكل وكل حاجة تمام بعد شهرين حسيت بالم وقت الجماع في كل مرة وينزل اشعارات دم بعدها مباشرة رحت للدكتورة فقلقت لحسن تكون قرحة عشان وارد بعد الاجهاض يحصل كشفت عليا كشف نسا راحت طلعت حاجات كتير كده جوايا فقالتلي الحمد لله مفيش قرحة بس هي التهابات في عنق الرحم شديدة وكتبتلي علي لبوس وتشطيف مهبلي جيت بقي استخدم البوس ولاقيت بقي بعد محطتها حاجات كتير عمالة تنزل واكتشفت انها بقايا المناديل وكان شكلها متخزنة من فترة لانها كانت متغطية بدم وشكلها اتغير انا شفت الحاجات دي واتصدمت كل ده كان جوايا وانا مش حاسة اكتر من اسبوع والحاجات دي بتنزل رحت بقي للدكتورة وحكتلها علي الي حصل قالتلي فعلا ممكن ده يكون السبب في الالتهابات دي لان في انواع من مناديل التواليت بتتفتت من المية فقولتلها ممكن يكون ده كان سبب الي اثر علي حملي ونزل قالتلي ممكن قالتلي لازم قبل الحمل تكوني اتعالجتي من الالتهابات عشان بتاثر علي الحمل فانا قولت اكتبلكم واقولكم عشان الي متعرفش الكلام ده تعرفه هي حاجات بتبقي بسيط بس ممكن تعملنا مشاكل كتير وياريت اي واحدة بتعمل كده تبطلها وتستخدم فوط قطن افضل ولو استخدمتي للضرورة وانتي خارج البيت يبقي تمسحي من برا خالص بعيد عن المهبل وربنا يحمينا يارب ويبعد عننا اي مكروه
انا مش عايزة غير ان كل الي يدخل ويشوف الموضوع يدعيلي ربنا يعوضني ويحصل حمل عاجلا انا وكل مشتاقة ذي يارب
ملوكا حبيبت قلب ماما ملوكا حبيبت قلب ماما 1058986_5.gif فتكات نشيطة Fatakat 1058986 القاهرة – مصر