ازيكوا يابنات يارب ارزق كل مشتاقة بالخلف الصالح انا الحمدلله ربنا رزقني بطفلين ولدتهم قيصري بس حبيت احكيلكوا عن المرتين فالاول الدكتور قال بنج كلي وانا طبعا بكرية ومعنديش خبرة وقلت ماشي واه بقا لما فقت من العملية وعينك متشوف الا النور والله اتبهدلت فخروج البنج لان كمان للاسف كان عندي كحة وبقيت اكتم فنفسي عشان الكحة بتوجع الجرح اوي وبقيت بصوت من الوجع والدكتور جه يدوس فالجرح بعد العملية صوت جدا لان وجع رهيب المرة التانية غيرت الدكتور وقالي نصفي قولتله لا ده بيقولوا بيعمل مشاكل فالضهر قالي خلاص هعمل كلي وفعلا ركبلي الكانيولا وتوهت عن الدنيا وفجاة صحيت فاوضة العمليات لقيت ستارة خضرة نازلة من السما علي بطني وحسيت كان حد بيزق فيا لورا كاني نايمة وحد بيزق بالسرير لورا وحسيت بضغط جامد ونصقي التحتاني كان فالجبس المهم ناديت عالدكتور وهو شغال وقلتله انت خلصت راح ضاحك وقالي انتي صحيتي لا لسه شوية المهم فضلت بتاع ساعة قاعدة اكلمه من ورا الستارة وكان معاه دكتورين كمان المهم خلصوا وخرجوني علي اوضتي لقيت بنتي هناك ومعاها اهلي وقعدت اتكلم عادي جدا بس مش حاسة بحاجة خالص بعد ساعتين كده جه الدكتور وقال لازم اروح الحمام عشان اقوم يعني وقوموني وساعتها بقا بدات احس بالوجع بس مش زي الكلي طبعا المهم بقول للدكتور انت عملت فيا ايه قالي مفيش ياستي لقيناكي جبانة فضحكنا عليكي واديناكي كلي وبعدها اديناكي نصفي بس الصراحة احسن مية مرة وعقبالكوا كلكوا يابنات ادعولي بقا ربنا يهديلي العفاريت الصغننين بتوعي
حبيبة ربها1437 حبيبة ربها1437 images/flowersavatars/avatar0024.jpg فتكات رائعة Fatakat 640999 القاهرة – مصر
سبحان الله و بحمده