اولا احب اشكر المشرفات ومديرات ومراقبات القسم لاهتمامهم بالمواضيع المهمه ال بجد بتفيدنا جدا خصوصا الاخذ بالتجربه ده حاجه كويسه فرضا انتي نسيتي حاجه اهو تفتكريها وتاخدي خبره من اخت ليكي جربت
بسم الله الرحمن الرحيم
اول حاجه يا جماعه اي مغص شديد يحصل في جنبك اليمين متسكوتيش عليه بجد عن تجربه من اختكم لاني سكت واهملت انا والبيت عندي وافتكرته شوية مغص واتاريه زايده
بسم الله : انا صحيت من النوم الصبح ع الظهر حسيت بمغص في جنبي اليمين المهم قلت مغص واخدت مسكنات وبتاع وانا مفيش بطني بتتقطع حتت من الوجع وجنبي بالاخص ماهو بيسمع في بطني المهم قعدت اتلوا ع السرير لحد الساعه 1 بليل قلتلهم لااااااااااااااااااااااااااا انا هموووت مش قادره في ناس يا جماعه من النوع ال هي بتكون موجوعه ومش بتحسس ال حواليها وده كان سبب خطير في ان حالتي تتدهور
المهم الحمد لله رحت المستشفى ودخلت طوارق وكشفوا عليا وطبعا عملولي تحليل دم ونمت فالمستفي وعلقوا لي محاليل ومناعوني عن الاكل تماما وبقم يحطولي مسكنات في المحلول ومنيم عشان ارتاح تاني يوم كان موعد الصونار ماهم لازم يتأكدوا لايكون في حاجه فالمبيض المهم طلعت الزايده وما ادراكم ما الزايده عمليه بجد مش سهله بس بأيدك تخليها سهله ازاي؟؟؟؟؟ متسكوتيش ع نفسك لانها بتيجي فجأه
المهم دخلت العمليات ع 10 كده بليل و نمت ع سرير العمليات محستش بنفسي غير وانا ع السرير الحمدلله فوقت من البنج وطبعا ال كان تعبني هو انا لو حزقت عشان الجرح قمت عادي وبدأت ادخل الحمام عادي بس طبعا بتحرك وانا ماسكه جنبي وظهري متني اليوم ده بقا ال تعبني البنج تعبني اوي يا جماعه جالي برد بدأت اكح واعطس وطبعا بطني فاضيه يعني فيه غازات مع كمان السحله الكبري ان البريود جتلي اه والله يا جماعه كنت هموت اولا بقيت اتنفض ع السرير اقسم بالله بترعش دي كلمه قليله ماهو اخدت برد من التكييف بتاع العمليات وكنا شتاء الحمد لله ع كل شيء تعبت جدا وقتها يعني ال تدخل العمليات تقولهم يا جماعه التكييف عالي وبسبببه هيجيلي برد وكمان لازم تاخدي بالك من معاد البريود في اي عمليه انا عارفه ان الزايده مفاجأه بس خدي بالك برضه
المهم مكنتش كلت اي حاجه ف جالي امساك وانا ياربي تعبانه يعني مش قدره احزق نهائي وفي نفس الوقت مزنوقه بطني وجعاني دخلت وعملت الامساك ونسييييييييييييت بعدها اخد حاجه اسمها ملين نسيت ازاي معرفش وبسبب اني نسيت جتلي البواسير والشرخ اه والله وادبست في عمليه تانيه عشان كده حدوا بالكم من النقط دي حاجه جبت حاجه فالملين ده خديه معاكي اي عمليه عشان الحزق والامساك بيتعبوا جدا
بس يا جماعه يومين وروحت الحمدلله وابتديت اكل كويس وقمت بالسلامه بعد بجد تعب شااق والله
في امانة الله
Fatoka Noure Fatoka Noure 569664_58.gif فتكات ست الكل Fatakat 569664 ♥في دنيا الله الواسعه♥ – ♥في قلب جوزي حبيبي نور عيوني♥